Diyana Mistaf/ Reqa
Bi beşdariya 250 jinan ji Reqa, Tebqa, Minbic û Dêrazorê, bi dirûşma “Evîndariya min bi jiyana û ramanên min re pêk tê” Konferansa Sosyolojiya Azadiyê hate destpêkirin.
Konfrens ji aliyê Meclîsa Jinê ya Zenûbiya ve li Reqayê hate organîzekirin.
Konfrens bi beşdariya Meclîsa Jinan a Zenûbiya , Hêzên Ewlekariya Hundirîn, Meclisa Rêveber a Tebqa û Reqayê, Meclîsa Malbatên Şehîdan, Meclîsa Jinan a Meclîsa Kesk a Idlibê, hevserokatiya Konfederasyona Rêxistinên Civaka Demokratîk û Yekîtiya Jinên Ciwan başdar bûn.
Konfrans bi deqeyekê rêzgirtin destpê kir, piştre cîgira Meclîsa Jinan a Zenûbiya Asînat Mihemed axivî û wiha got: “Ez li ser navê Meclisa Jinan a Zenûbiyayê spasiya her kesî beşdarî vê konferansê dikin û em Rêberê Apo ku bû felsefeya azadiya jinan derxist silav dikin.”
Asînat Mihemed di beredwamiay axaftina xwe de wiha got: “Şoreşa jinê rêze berxwedaniya jinê ye. Şoreşa jinê tevî hemû astengî û zehmetiyên ku pê re rû bi rû ma jî, şoreş dewam dike. Jin bi biryardarî, hêz û hebûna xwe têkoşîna xwe dewam dike. Herwiha têkoşîna herî mezin a li dijî zîhniyeta mêr e û me bi Sosyolojiya Azadiyê Konfrensa xwe dest pê kir, ji ber ku Rêber Apo di hucreyeke biçûk de û li gorî şert û mercên herî dijwar ên di jiyana wî de lê pirtûka Sosyolojiya Azadiyê nivîsand. Dirûşmeya me wê bibe serketin, piştre serketin, piştre perwerde û em ji were li vê gerdûnê Konfrensa serketinê dixwazin.”
Konfrens di beş dihewîne: beşa yekem civaknasiya azadiyê ye ku li ser pirsgirêkên civakî nîqaş dike û beşa duyemîn jî azadiya li pişt zindanan e.”
