Cîger Dilşad
Li çar perçeyên Kurdistan’ê beşek ji Kurdên ku derbarê dîroka MESUD BERZANÎ de zêde agahîya wan tune ye, bi awayekî mafdar ji sekna MESUD BERZANÎ şaşwaz bûne. Lê yên ku dizanin ka vê malbatê çi kirî û çawa xwe gihandî roja îro, şaşwaz nabin.
Rêber APO her hewl da ku MESUD BERZANÎ ji rewşa tê de derxîne û wî ji xizmetkirina neyarên Kurdan dûrbixe. Heta tevî ku maf nekirî jî, jê re pêşniyar kir ku bibe hevserokê Kongra Newtewî. Rêbaza Rêber APO ew e ku, xayînan, kom û kesên di xizmeta neyaran de ne bi awayekî wan têxe xizmeta têkoşîna gel. Yên ku piçek rûmet bi wan re ma bû, dev ji wan karên xwe yên qirêj berdan. Lê yên mîna MESUD BERZANÎ qet rojekê jî dev ji xizmetkirina efendîyên xwe bernedan. Çima?
Di serî de vê bêjim; MALBATA BERZANÎ ji destpêkê de wekî malbateke ji her hêlê ve bi neyar ve girêdayî bi destê sîyasetmedarên Îngilîz derketin ser dika sîyaseta Kurdistan’ê. Divê hemû Kurd û di serî de jî xelkê me yê li başûr û bi taybetî jî xelkê me yê li herema Soran qet ji bîr nekin ku, heger Ehmet BERZANÎ îxanet li Mahmud BERZENCÎ nekira, wê keyîtîya Mahmud BERZENCÎ hilneweşîya û Kurdistan di dest pêka salên 1920’an de bihata saz kirin. Tam di heyama ku Îngilîz di şerê li dijî Şêx Mahmud de bêçare bûbûn de, Ehmed BERZANÎ îxanet li Şêx Mahmud kir û derbasî hêla Îngilîzan bû. Ji wê demê ve êdî bi temamî MABATA BERZANÎ bû şebekeyeke çeteyan di destê Îngiltere de.
MESUD BERZANÎ bi kiryarên xwe yên li gorî berjewendîyên dewleta Tirk ya dagirker û qirker bûye ŞEFÊ JÎTEM’a başûr. Li bakur Ehmed Cem ERSEFER YÊ JÎTEM’Î çi dikir, îro MESUD BERZANÎ li başûr heman tiştî dike. rojnamevanan direvîne, dijberên sîyaseta MALBATA BERZANÎ dikuje, dizî û talanê dike, zagon li holê nehiştîye û li dijî Tevgera Azadîyê şer dike lê li kiryarên xwe yên dijminane xwedî dernakeve. Heman mîna ŞEFÊ JÎTEM’ê bi awayekî nemerdane û dervayî axlaqê civakî namûsa xwe pêşkêşî serbazên Tirk û dewleta Tirk dike.
Ji xwe gava mirov dîroka MALBATA BERZANÎ tîne berçavan dibîne ku ji destpêka derketina ser dika dîrokê , ti têkilîya wan bi Kurd û Kurdistan’ê re tune ye. bi pereyan li gorî berjewendîyên efendîyên xwe tevgerîyan e. Lê ji dîroka serdestên Tirkan em baş dizanin ku, gava karê MESUD BERZANÎ qedîya, dewleta Tirk kêlîyekê jî wan nade jîyan kirin. Me di pêvajoya referandûma sala 2017’an de ew yeka pir vekirî dît.
Ji lewra peyva “xayîn” tam rewşa MALBATA BERZANÎ bi wate nake. Şebekeyeke çeteyan e ku li ser xwîna keç û xortên Kurdan û li ser siberoja Kurdan xwe dide jîyan kirin e.
