Roj Mehmûd/Qamişlo
Rêveberê TEV-ÇAND’ê yê Bakur û Rojhilatê Suriyê Xelîl Tehlo diyar kir ku ew di jiyana xwe ya rojane de her tim Cil û Bergên kurdî li xwe dikin û ev cil semboleke gelê me ye û em hêvî dikin ku hemû kurd li nirxê xwe yên netewî xwedî derkevin.
Dewleta Tirk a faşîst û qirker bi van kiryaran dide xuyakirin ku ji polîtîkeya qirkirina gelê Kurd gavekê jî paş de neavêtiye ku welatê wan dişewitînin, goristanên wan xirab dikin, stranên Kurdî qedexe dikin, nasnameya wan, çanda wan nas nakin û êrişên faşîst dibin ser nirxên gelên Kurd. Her wiha bê rûmetî, bê dîrokî û bê çandiyê li ser wan ferz dikin.
Rêveberê TEV ÇAND’ê yê Bakur û Rojhilatê Suriyê Xelîl Tehlo di derbarê Qedexekirina Cil û Bergên kurdî de ji rojnameya me re axivî.
Cil û Bergên kurdî sembola gelê Kurd e
Xelîl Tehlo balkişand ser qedexekirina Cil û Bergên kurdî û wiha 
got:”Dewleta tirk a dagirker ne ji îro de ji Dîrokê de dixwest ku çanda kurdan qirbike û nasnameya wî winda bike, di aliyê Cil, Berg, ziman û Hunerê de bi rengekî sîstematîk,di Dîrokê de dewleta tirk a dagirker dixwest ku kurd li hemberî hevdû şer bikin. Dijminê gelê Kurd dixwaze hunera gelê kurd û mûzîka wî tune bike û bibe asteng li pêşiya çiwîna dibistanan û xwendin, nivîsandin û axaftina bi zimanê xwe yê dayikê. Dagirkeriya tirk qirkirinê li ser gelê Kurd dide meşandin û di nava xwe de tu çand, ziman û hebûneke din qebûlnake. Pêwîste civaka û gelê kurd ji heft salî heyanî heftî salî li hemberî pişaftin û qirkirina ku li ser tê meşandin serî rake û qebûlneke û nerazîbûna xwe raber bike. Her wiha li ziman û çanda xwe xwedî derkevin gava kurd li ku derê be deng û rengê xwe û wêjeya xwe biparêze.”
Dewleta Tirk dixwaze pişaftina çandî pêkbîne
Xelîl Tehlo di dawiya axaftina xwe de wiha got: “Gelê Kurd xwedî çand û dîrokeke kevnare û pêwîste ku li kelepora xwe xwedî derkeve. Lê dagirkeriya tirk dixwaze dîrok û hebûna gelê kurd berûvajî bike û ji holê rake û bi şerê taybet, derûnî û komkujiyan dixwaze vê yekê pêkbîne. Gelê kurd gelekî berxwedêre û her tim li hemberî kumkujî, pişaftin û qirkirinan li ber xwe da ye û wê li ber xwe bide û tu hêz nikare gelê Kurd ji holê rake. Em di jiyana xwe ya rojane de her tim cil û bergên kurdî li xwe dikin û bi çand û zimanê xwe dijîn. Ji ber ku cil, berg, ziman û kelepora me çand û dîroka me û em hêvî dikin ku gelê kurd li nirxên xwe yên netewî xwedî derkevin, biparêzên, pêşbêxin û her tim li hemberî dagirkeriyê di nava têkoşîn û berxwedaniyê de bin.