Diyana Mistefa /REQA
Bi boneya 10’emîn Salvegera komkujiya Şengelê, Meclisa Kombûna Jinan a Zenûbiya ya kantona Reqayê bi dirûşma ’Na ji qirkirina gelê Şengalê re, ji dagirkeriya dewleta Tirk re na’ çalakiya bîranînê li dar xist.
Di çalakiyê de Bi dehan nûnerên Rêveberiya Xweseriya Demokratîk, partiyên Siyasî û Hêzên Leşkerî başdar bûn.
Bîranîn bi deqeyekê rêzgirtin destpê kir, piştre li ser navê Meclisa Kombûna Jinan a Zenûbiya, Endama Meclisê Kerem El-Hemid axivî û got: “Bibîranîna dehemîn Komkujiya Şengalê ku di 3’ê Tebaxa 2014’an de li ser destê çeteyên DAIŞ’ê pêk hat, armanca wan jî tunekirina kurdên êzîdî, tunekirina nasname û hebûna wan bi giştî. Di komkujiyê de 5 hezar kesî jiyana xwe ji dest dan, bi dehan gorên ferdî û zêdetirî 6 hezar û 417 êzidiyên dîl hatin girtin. Li gorî êş û azaran û di qonaxa damezrandinê de li Bakur û Rojhilatê Sûriyê û metirsiyên ku gefan li wan dixwin, gelê me di her astê de erkê xwe li hember Êzidiyan bi cih aniy e.”
Karam El-Hemid wiha domand: “Di navbera Komkujiya li Şengalê ku li ser destê çeteyên DAIŞ’ê de, herwiha komkujiyên li Efrîn, Girê Sipî, Serê Kaniyê û tevahiya Bakur û Rojhilatê Sûriyê ku li ser destê dagirkeriya Tirk pêk hatine, tu cûdahî nêne. Armanca têkbirina aramiya herêmê ye.”
Karam axafina xwe wiha qedand: “Pirsgirêka jinên Êzidî pirsgirêka me û ya hemû jinên têkoşer e, em bêdengiya navneteweyî ya li hemberî komkujiya ku li ser gelê Êzidî pêk tên û heta niha jî ji aliyê Dewleta Tirk ve li ser gelên herêmê tê meşandin, şermezar dikin.”
Piştre Koma Zenûbiya ya girêdayî Hîlala Zêrîn a bi navê “Obkeke Şengal” şanoyek pêşkêş kir.
Bîranîn bi xwendina helbestan ji aliyê helbestvan Celai Hemzewî ya bi sernavê “Baliyên tariyê yên mirî” bi dawî bû.