Meclisa Gelan a kantona Efrîn û Şehbayê ji bo bîranînan şehîdên komkujiya Til Eran û Til Hasilê ya ku ji aliyê çeteyên Cebhet El Nusra ve di 27 ê Tîrmeha 2013’an d pêk hatibû, li Kampa Berxwedan daxuyaniyek dan.
Vîndar Roj/ Şehba
Di 27’ê Tîrmeha 2013’an de, ji aliyê komên çete yên girêdayî dagirkeriyê Tirk komkujiyek derheqê xelkê Til Eran û Til Hasilê de pêk hat û di komkûjiyê de 30 kesî jiyana xwe ji dest dan. Ji bo bîranîna Şehîdên Komkujiyê ji aliyê Meclîsa Gelan ya Kantona Efrîn û Şehbayê li Kampa Berxwedan daxuyaniyek hate dayîn. Di daxuyaniyê de bi dehan ji endamên deste û saziyên Rêveberiya Xweser, partî, pêkhate û rûsipiyên eşîran beşdar bû.
Di daxuyaniyê de wiha hate gotin: “Di sala 2013’an de çeteyên dagirkeriya Tirk li bajarên Til Eran, Til Hasalê û gundên Kurdan ên El-Bab, Cerablus û Ezazê komkujiyek hovane pêk anîn . Li van her du bajaran jî mal û milkên kevnar dizîn û bi darê zorê ji van her du bajaran gel koçber kirin. Ev komkujî û koçkirina bi darê zorê li ber çavên civaka navneteweyî hat kirin. Derbarê komkujiyê de jî her kes bê deng bû.”
Dagirkeriya Tirk felsefeya demokrasiyê hedef digire
Di dewamiya daxuyaniyê de wiha hat gotin: “Sûcên şer ên dewleta Tirk a dagirker û çeteyên wê yên li herêmên dagirkirî, di nav de kuştin, revandin, destavêtin, ferzkirina ziman, zanist û çanda Tirkî, talankirina mal û milk, dizî û wêrankirina şûnwarên arkeolojîk û bermahiyên dîrokî û koçberkirin. Bi deh hezaran malbat ji gund û bajarên wê , ji bo têkbirina vîna gelên ku ji bo Rêber Abdullah Ocalan û bi fikirên demokrasiyê bawer dikin koçberkirin. Ji lewra siyaseta dagirkirinê û qirkirina hebûna gelê Kurd di herêmên Kurdî de temamkirina siyaseta tecrîda dewleta Tirk a li ser Rêber Abdullah Ocalan e, ku ji bo çareseriya demokratîk a pirsgirêka Kurd li parçeyên Kurdistanê pêk neyê”.
Di daxuyaniyê de bêdengiya navnetewî hate şermezarkirin: ” Em li Meclîsa Gel a kantona Efrîn û Şehbayê û hemû sazî, partî, rêxistin û tevgerên sivîl hemû şehîdên ku di encama komkujiya hovane ya li bajarên Til Eran û Til Hasilê de rabûn bi bîr tînin û nebûna tevgerên rêxistinên mafên mirovan û civaka navneteweyî ji bo hesabpirsîna berpirsên van komkujiyan li pêşberî dadgehên navneteweyî şermezar dikin.
Her wiha em xiyaneta Malbata Barzanî ya li hebûna Kurdan û alîkariya dewleta Tirk a ji bo qirkirina gelê Kurd li Kurdistanê şermezar dikin.”
Divê pêşî li dagirkeriya Tirk bê girtin
Daxuyanî wiha hate qedandin: “Em bang li civaka navneteweyî , Konseya Ewlekariyê, Rêxistinên Mafên Mirovan û Komkara Ereban dikin ku bêdengiya xwe bişkînin û zextê li dewleta Tirk bikin ku di çarçoveya qanûn û peymanên navneteweyî yên ku serweriya dewletan piştrast dikin, ji herêmên ku dagir kiriye derkeve.”
