Diyana Mistefa/Reqa
Ciwanan Partiya Yekîtiya Demokratîk (PYD) li Reqayê, bi daxuyaniyekê êrişên dewleta Tirk a dagirker yên li ser Başûrê Kurdistanê û Xiyaneta PDK’ê şermezar kirin.
Êrişên dewleta Tirk a dagirker li dijî Başûrê Kurdistanê dewam dikin, herwiha PDK’ê jî heta dawiyê hevkariya dewleta Tirk a dagirker dike û xeta xiyanetê dimeşîne.
Li hemberî êrişên dagirkeriya Tirk li dijî Başûrê Kurdistanê û xiyaneta PDK’ê, Caiwanên PYD’ê li bajarêî Reqatyê daxuyaniyek da.
Daxuyanî ji aliyê Endamê desteya rîxistinî ya Meclîsa Ciwananên PYD’ê Eymen El-Hisên ve hat xwendin.
Di daxuyaniyê de wiha hate gotin: “Faşîzma Tirk ev nêzî 38 meh in bi binpêkirina pîvan û zagonên navneteweyî û bêyî destwerdana rêxistinên navneteweyî yên ku îdîaya parastina mafên mirovan dikin, tecrîda li ser Rêber Abdullah Ocalan girantir dike. Her wiha dagirkeriya dewleta Tirk a dagirker û çeteyên wê jî berdewam dike.
Temamkirina planên komploya navneteweyî ya li dijî Rêber Apo û gelê Kurd, ji ber ku niha hewl dide bi xeta xiyanetê ya PDK’ê ku rê li ber rewakirina dagirkeriya dewleta Tirk re vedike û desteka lojîstîk dide dagirkeriyê. Armanca artêşa Tirk ji avakirina baregehan di nava xaka Başûrê Kurdistanê de û valakirina gundên Kurdan ji niştecihên wan, hedefgirtina hêzên Gerîlla yên ku destanên qehremaniyê yên herî mezin li hemberî êrişên dagirkeriyê dinivîsin.
Li ser navê gelên herêmê yên xwedî nirxên mirovahiyê û rûmetê, di serî de em bang li rêxistinên navneteweyî yên mafên mirovan dikin ku li hemberî tecrîda li ser Rêber Apo erka xwe ya exlaqî pêk bînin. Ji gelê Kurd, partî û kesayetên netewî daxwaz dikin ku ku li dijî planên dewleta Tirk bisekinin û nahêlin dewleta Tirk bigihêje armanca xwe ya ku şerê Kurd-Kurd derxe holê.”
