Ji şaxên perwerdeyê yên girîng, dîtina perwerdeyên tenduristiyê ye. Ev xebat xwedî girîngî û pêwîstiyeke sereke ji civakê re ye. Li herêma Şehbyê ji aliyê Desteya Tenduristiyê ya Kantona Efrîn û Şehbayê pewredeyên tenduristî yên mudexeleya yekem ji gel re tê dayîn.
Zana Roj/ Şehba
Di rewşeke weke rewşa ku gelê Efrînê li herêma Şehbayê tê de jiyan dike, yek ji girîngtirîn pewerdeyên pêwîst ji civakê re; perwerdeyên tenduristiyê yên wekî destwerdana destpêkê ye. Desteya Tenduristitiyê li herêma Şehbayê,ji destpêka derbasbûna gelê Efrînê ji herêmê re ev erk girtiye ser milê xwe û perwerdeyên tenduristiyê dide gel.
Girêdayî xebatên perwerdeyê yên qada tenduristiyê, endamê Koordînasyona Desteya Tenduristiyê ya Kantona Efrîn û Şehbayê Talet Welo ji rojnameye me re axivî.
Ji erkên bingehîn xurtkirina perwerdeyan e
Talet di destpêkê de bal kişand ser girîngiya perwerdê û insiyatîfên ku hatine kirin û wiha pê de çû: “Bi derbasbûna gelê Efrînê ji herêma Şehbayê re, ji erkên me yên sereke bûn ku em xebatê perwerdê di herêmê de bidin destpêkirin. Ji bo civakeke ku rojane rasrî êrîşên dagirkeriya Tirkiyê tê bê guman ev gav pêwîst bû ku bê pêşxistin. Di heman demê de ji girîngtirîn encamnameyên konferansa Tenduristiyê hatiye derketin xurtkirina perwerdeyên destwerdanên yekemîn di nava civakê de bû. Li ser wê bingehê di vê warî de gelek dewreyên girtî û vekirî di nava ciwan û tavahî gel de bi tensîq bi meclîs û komînan re hatin vekirin.”
Talet girêdayî perwerdeyên ku hatine vekirin wiha got: “Perwedeyên ku tên dayîn ji aliyê kadroyên taybet yên tenduristiyê û bi sînevizyon û şîrovekirinên xurt tên dayîn. Herî dawî dewreyek li ser asta navçeya Fafînê bi tevlîbûna 63 ciwan û jinên ciwan hate orgenîzekirin. Ev dewre bi avakirina girûpên destwerdana yekemîn di rewşên awerte de hate bidawî kirin. Bê guman hevalên ku bi serkeftî ji van perwerdeyên tên derketin li gorî pêwîstiyên qada tenduristiyê li cihên guncav tên erkdarkirin.”
Li gorî bîlancoya ku Desteya Tenduristiyê ji sala 2020 heyanî 2024 diyar kiriye, dewreyên hatine dayîn wiha ne:
Li navçeya Ehresê 4 dewre, hejmar 90 kes. Navçeya Fafînê 5 dewre, hejamar 260 kes. Navçeya Şêrawa 4 dewre, hejmar 230 kes. Til Rifet 5 dewre, hejmar 250 kes. Navçeya Ehdas 5 dewre hejmar, 300 kes. Kampa Berxwedan 2 dewre, hejmar 70 kes. Kampa Serdem dewreyek bi tevlîbûna 50 kesî.
Talet di dawiya axaftina xwe de ev anî ziman: “Wê di demên pêşiya me de perwerdeyên taybet yên destekdayîna pîskeolojî ji aliyê akîbên pispor ve bên dayîn. Her wiha wê ev perwerdeyên tenduristiyê û Ambolancê wê li ser tavahî asta herêmê bi giranî bêne xurtkirin”.
