Navenda Nûçean
Mesûc Mihemed ê ku bi Rêber Abdulla Ocelan re civiyabû diyar kir ku Rêber Abdullah Ocalan girtîgeha Îmraliyê veguherand dibistana fikir û felsefeya navneteweyî û got: “Şoreşa 19ˊê Tîrmehê encama fikir û felsefeya Rêber Abdullah Ocalan e.”
Welatiyê bi navê Mesûc Mihemed (47) ê ji gundê Selam ê girêdayî bajarê Dirbêsiyê ye û di 1992`yan de tevî çend ferdên malbata xwe û komek ji welatiyan li Akademiya Şehîd Mahsûm Korkmaz a li herêma Bîqa ya Lubnanê bi Rêber Abdullah Ocalan dîtin.
Mihemed bi fikir û felsefeya Rêber Abdullah Ocelan piştî dîtina wî bawer kir û got: “Dema min Rêber Abdullah Ocelan dît, ez bi heyecan bûm. Rêber Abdullah Ocelan bi saetan li ser avakirina şoreşê li Kurdistanê, welatparêzî û hezkirina welat axivî. Nêrîneke wî cuda hebû. Kesan ji cara yekê nas dike. Xwedî hêz û zanabûn bûn. Bûyerên li herêmê diqewimîn dizanî.”
Mihemed wiha domand: “Rêber Abdullah Ocelan bi civak û gel ve girêdayî ye. Şoreşa Rêber Abdullah Ocelan dest pê kiriye ji tevahî şoreşên li Kurdistanê hatine lidarxistin cudatir e. Vê şoreşê gelê Kurd zindî kir. Şoreşeke xurt û bi hêz bû. Bi fikir û felsefeya neteweya demokratîk tevahî planên dijmin ên bi armanca bidawîkirin û qirkirina gelê Kurd hatin têkbirin.”
ˊŞoreşa 19ˊê Tîrmehê encama fikir û felsefeya Rêbertî yeˊ
Mihemed diyar kir ku komploya navneteweyî ya li dijî Rêber Abdullah Ocalan li pêş çavên cîhanê, rêxistinên mirovî, hiqûqî û civata navneteweyî pêk hat û wiha pê de çû: “Dewletên komploger Rêbertî girtin û xistin girtîgeha Îmraliyê. Ew dewleta tecrîda giran li ser wî ferz dikin. Nahêlin parêzer û malbat pê re bicivin û peywendiyê pê re bikin.”
Her wiha Mihemd destnîşan kir ku Rêber Abdullah Ocalan girtîgeha Îmraliyê veguherand dibistana fikir û felsefeya neteweyî û got: “Şoreşa 19ˊê Tîrmehê encama fikir û felsefeya Rêber Abdullah Ocalan e. Ji lew re li ser Bakur û Rojhilatê Sûriyeyê dorpêç hatiye ferzkirin. Bi rêya wê yekê dixwazin Rêbertî ji gel bi dûr bixin, rê li pêş belavkirina fikir û felsefeya wî bigirin û siyasetên xwe yên faşîst li dijî gelê bi azadiyê bawer e pêk bînin.”
Mihemed anî ziman ku klîta çareserkirina doz û krîzên li Rojhilata Navîn fikirê Rêber Abdullah Ocalan e û pêdiviya gelê Kurd û gelên din ên aşiqê azadiyê ne bi analîz û perspektîvên Rêber Abdullah Ocalan hene. Ji lew re divê azadiya fîzîkî ya Rêber Abdullah Ocalan pêk bê.
Di dawiya gotina xwe de Mihemed bal kişand ser dewleta Tirk a dagirker ku ji deh salan ve hewl dide gelê Kurd tune bike û nikare Kurdan qir bike û wiha got: “Divê tevahî di oxira pêkanîna azadiya fîzîkî ya Rêber Abdullah Ocalan de têkoşîn û berxwedanê mezin bikin û heta pêkanîna azadiya wî ya fîzîkî li qadan bin.”
