Birûc Resûl/Qamişlo
Rêveberê bexçeyê Azadî Elî Elî diyar kir ku bexçeyê Azadî bûye cihê rehetiya gel ya deronî û wiha got: “Em bi hêvî ne ku gelê me bibe alîkar û ekolojiya bajêr biparêzin, ji ber ku xweza û ekolojî bingeha jiyana mirove.”
Di 1`ê Mijdara 2022`an pirojeya avakirina bexçeyê Azadî hat destpêkirin, her wiha di sal û mehekê de gulîstan ji hemû aliyan ve hat hazirkirin û vekirina wê kete rojeke taybet ji bo tevahiya gelên herêmê. Di roja 27’ê Mijdarê, salvegera damezrandina Partiya Karkerên Kurdistanê PKK’ê de gulîstan hat vekirin û navê Azadî lê hat kirin. Bexçeyê Azadî di nava xwe de stadiyûmên fotbool, basketbol, voleybol, avjenîgeh û hola werzîşê ya bedenî, dihewîne. Di bexçeyê Azadî de gelek beş hene ew jî wiha ne;Beşê sporê, beşê vesihandin, beşê çalakiyan, beşê rêveberiyê, beşê ewlekariyê, beşê çandiniyê û beşê darayî.
Derbarê bexçeyê Azadî de, rêveberê wê Elî Elî ji Rojnemeya me re axivî.
Pirojeya avakirina bexçeyê Azadî
Elî Elî balkişand ser fikira avakirina bexçeyê Azadî û wiha got: “Di destpêkê de fikra avakirinê tenê stadyûmên lîstikên werzîşê yên cûr bi cûr bû. Armanca vê pirojê ew bû ku em ciwanên di kolanan de û ne bi rêxistin kirî ne, kombikin, fêrî tiştên baş bibin û bên birêxstinkirin. Lê me pêwîstî dît ku em gulîsaneke mizin ava bikin û bibe cihê kef, behinvedan û rehetiyê ji gel re. Li ser vê bingehê me ji 1`ê Mijdara 2022`an de pirojeya avakirina bexçeyê Azadî da destpêkirin. Di destpêka pirojeyê de, bingeh jêre hat dayîn, êdî dar hatin çandin, pirojeyê dewam kir
û di dema avakirinê de ti pirsgirêk derneketin. Her wiha di sal û mehekê de gulîstan ji hemû aliyan ve hat hazirkirin û di 27 Mijdara 2023’an de, di rojeke taybet de hat vekirin, ew roj jî salvegera damezrandina Partiya Karkerên Kurdistanê PKK`ê bû. Navê azadî lê hat kirin û ev gav ji bo gel bû cihê kêfxweşiyeke mezin.”
Beşên bexçeyê Azadî
-Beşê sporê: Stadiyûmên fotbool, basketbol, voleybol, avjenîgeh û hola werzîşê ya bedenî.
-Beşê Terfîhî: Ev beş cihê bihinvedanê û rehetiyê ye, leystok ji bo zarok û mezinan hene, dar û cihê rûniştinê hene da ku malbat li hev kom bibin û rojekî xweş bi hevre derbas bikin. her wiha xwaringiha Qamişlo di hindirê gulîsana Azadî de heye , lê ew xwaringeh teslîmî kesekî hatiye kirin, yanî kirê, di bin sîwan û sîstema bexçeyê Azadî de tevdigere.
-Beşê çalakiyan: Dikeya şahiyan jî di hidirê bexçeyê Azadî heye ku her bîranînek yan jî şahiyên ji bo rojên taybet li wir tê li dar xistin, her wiha berê cihekî taybet ji bo şahiyan tune bûn, lê niha ev dikeya bexçeyê Azadî ji bo her şahiyekiyan e û di heman demê de gel bi coşekî mezin tevlî dibin.
-Beşê Rêveberiyê: Di hindirê bexçeyê Azadî de nêzî 90 kes hene ku parastina wê dikin ji aliyê paqijiyê de yan jî tevger û displînê ve, êdî bexçeyê Azadî ji bo gelek kesan bû alîkar da ku kar bikin û debare jiyana xwe bikin. Her wiha beşê Rêveberiyê, dîwan, maliyê, xweser, arşîf û 2 kes jî bi taybet li ser beşê werzîşê disekinin û birêvedibin, niha jî 4 dibistanên gokê eqid bi stadiyûma Azadî re çêkirine da ku zarokan perwerde bikin.
-Beşê Ewlekariyê: Bexçeyê Azadî bi ferehî û mezinbûna xwe tê nasîn û di heman demê de gel jî pir lê kom dibin, ji ber vê yekê beşê ewlekariyê girînge. Armanca sereke ji bexçeyê Azadî ne qezenceke madî ye, lê belê ji bo parastina xweşikbûn û xwezayê ye. Eger ewlekarî di gulîstanê de nebe wê gelek pirsgirêk û bandorkirina li ser ekolojiyê were kirin. Lê bi avakirina girûpên ewlekariyê gel bi baldarî xwe bi rêxistin dikin. Ew bi xwe parastina derdora xwe dikin. Di heman demê de beşê paqijiyê jî di hundirê bexçeyê Azadî de heye. Ew bi erkê paqijiya gulîstanê radibin û dihêlin ku kesên li gulîstanê jî li ser paqijyê balder bin.
– Beşê Çandiniyê: Ji bo çandina daran û gulan, di heman demê de ji parastina xwazayî, komek ji pesporên çandiniyê hene, ew jî bi dar û gulên di gulîstanê de mijul dibin, heta niha gelek darên fêkiyan hatine çandin û di demên pêş de wê gel fêkiyan di bexçeyê Azadî bixwe.
-Beşê darayî: Di gulîstanekê wiha mezin de ku di hindirê wê de lîstok, xwaringeh û dikan hene, wê demê kirîn wê were çêkirin, lê bihayên wê ne di wê asta bilind de ne, li gor gel hatiye dayîn. Mînek her kertek yên lîstokan nirxê wê 5 hezar lêriyên surî ne. Her wiha ev pere jî vedigre gulîstanê, ji ber ku gelek parastin jê re pêwîste û her heftî amûrên ku xirab dibin, bi van pereyan tên çeksazkirin.
Astengî û zehmetî
Elî balkişand ser zehmetî û astengiyên ku li gulîstanê derdikevin, herwiha çareseriya wê û wiha got: “Di milê kontolkirina hin xortan de em zehmetiyê dikşînin, ji ber vê yekê em hewl didin ku em van pirsgirêkan çareser bikin û emê di demekê nîz de bendê kontirolkirinê li ser riya bexçeyê azadî deynin. Di heman demê de runiştina li ser riya bexçeyê Azadî wê were qedexekirin, ji ber ne taybetmendiyeke raste.”
Parastina îkolojîk girînge
Rêveberê gulstana Azadî Elî Elî di dawiya axaftina xwe de wiha got: “Beşek ji bexçeyê Azadî hîn ne hatiya avakirin, her wiha gelek pêşinyarî hene, lê pêşinyare ku herî zêde me girîngî dayê de Mole, me dixwest ku em Molekî mezin di hindirê bexçeyê Azadî de avabikin da ku gel were hem behinvedanê û kêfê û di heman demê de were Molê tiştên pêwîst bikirin. Her wiha em bi hêvî ne ku gelê me bi me re bibe alîkar û îkolojiya bajêr biparêzin, ji ber ku xweza û îkolojî bingiha jiyane mirove.”
