Roj Mehmûd/Qamişlo
Ji kevintirîn pirtûkxaneyên li Qamişlo, pirtûkxaneya Alhiriye ye ku sala 1971`an ji hêla welatiyê bi navê Dawid Xirzanî hatiye vekirin û heta niha jî pirtûxane di karê xwe de berdewam e.
Ji bo xizmeta welatiyên bajarê Qamişlo di peydakirina pirtûkan de, bi taybet ji bi xizmeta xwendekaran di milê peydakirina pêdiviyên xwendinê ji lênûs , pênûs, pirtûk û amûrên cûda de, di sala 1971’an welatiyê bi navê Dawid Xirzanî yekemîn pirtûxane li bajarê Qamişlo vekir û heta roja îro ev pirtûxane kar dike.
Di derbarê pirtûxaniya Alhiriyê de ku ev 53 sale hatiye vekirin û heta niha karê xwe dewam dike, xwediyê wê Dawid Xirzanî ji rojnameya me re axivî.
Dawî id Xirzandiyar kir ku dîrûka avabûna pirtûkxaneya Alhiriyê vedigere sala 1971’an û wiha got: “Ez di sala 1938`an de li bajarê Qamişlo ji dayîk bûme, di sala 1971’an de min yekemîn pirtûkxane li bajarê Qamişlo vekir. Ez di pirtûkxaneyê de, pirtûk û pêdiviyên xwendekaran difroşim. Bi destpêkirina Şoreşa Rojava bi giştî karê pirtûkxaniyê baş bû.Herwiha tevgera xwendekaran û welatiyan zêde bû. Lê di dema niha de ji ber hin astengiyan, bi taybet vekirina gelek pirtûkxanieyan li bajêr û qutbûna elektirîkê kar heta astekê lawaz bûye. Di dema niha de jî piraniya karê me li ser elektirîkê tê meşandin, ji bo wê dema elektirîk tinebe, çapkirin tê rawestandin, di heman demê de ji ber zêdekirina nirxê dolar jî em astengiyê dikşîin, mîtiryalên me hemû ji Helebê tên û bihayên rê jî li ser metiryalan zêde dibe. Sedema lêkirina navê pirtûkxaneyê bi navê Elhiriyê ew e ku ji azadiyê hez dikim, herwiha dîroka avabûna pirtûkxaneyê vedigere beriya 53 salan.”
Hişmendiya xwe ji ramanaê Rêber Abdullah Ocalan re nîşan da
Dawid Xirzanî di sala 1975’an de ji aliyê Dêr û civaka Suryaniyan ve weke rêveberê biratiya Aqûb Yaqûb a Nisêbînê hate hilbijartin, ew bi karê civakî yê pêkhateya mesîhiyan re li navçeya Cizîrê serperiştiya dibistanên suryanî yên girêdayî şazdeh gundan dikir, di nav wan de bajarê Qamişlo bû. Li gel hemû pêkhateyên ku li navçeya Cizîrê bi hev re dijîn, heta sala 1982’an xebatên xwe yên civakî domandin.
