Rêveberiya Xweser li Kantona Efrîn û Şehbayê bi daxuyaniyekê hevkariya PDK’ê bi dagirkeriya Tirk re û nêzîkbûna dagirkeriya Tirkir bi Hikumeta Şamê re bi tundî şermezar kir.
Vîndar Roj/ Şehba
Rêveberiya Xweser ya kantona Efrîn û Şehbayê bi tevlîbûna tavahî endamên desteyan û meclîsên Rêbeberiya Xweser li herêmê, li dijî xiyaneta PDK’ê û nîzîkbûna di navbera hikumeta Şamê û dewleta Tirk a dagirker de daxuyaniyek da.
Di destpêka daxuyanoiyê de wiha hate gotin: “Partiya Demokrat a Kurdistanê (PDK) ku bi serokatiya Malbata Barzanî ye, ji ber ku rêveberiya PDK’ê hemû derfetên xwe pêşkêşî dike, bi armanca dijminatiya Kurd, doz û Kurdayetiyê bi dewleta Tirk re li hev dike û bi hedefgirtina Tevgera Azadiya Kurdistanê re. Îmkanên herêma Kurdistanê ji dewleta Tirk re dike û rê dide artêşa Tirk ku zêdetir xaka herêmê dagir bike, astengan çêbike, li sivîlan bigere, qedexeya derketina derve û kontrolê bi temamî li ser parêzgeha Dihokê ferz bike û ewlekarî û aboriya herêmê bike metirsî Serkirdayetiya PDK’ê ji bo berjewendiyên malbatî bi dewleta dagirker a Tirk re li ser hesabê ewlekarî û pêşeroja herêmê û pirsgirêka Kurd bi giştî xeta xiyanetê û israrkirina li ser wê nîşan dide”.
Daxuyaniyê de hate diyarkirin ku dagirkeriya Tirkiyê ji bo derbaskirina kirîzên navxweyî destdavêje dewletên cîran û wiha domand: “Divê rêveberiya PDK’ê dîroka êrîşkar û scdar a dewleta Tirk a li dijî pêkhateyên herêmê bi taybet gelê Kurd binirxîne û pêkanîna gelek komkujiyan li dijî wan û lihevkirina bi wan re tê wateya vekirina rê li pêşiya gelek komkujiya Desthilatdariya MHP û AKP’ê ji ber gelek krîzên siyasî, aborî û civakî, bi windakirina hilbijartinên herêmî yên Nîsana 2024’an, xeteriya windakirina hilbijartinên serokkomariyê û têkçûna rewşa aborî di encama polîtîkayên xwe yên dijminatiyê de hîs kir. Welatên cîran, bi taybetî Sûriyê, û gurtirbûna kirîza penaberan ku Tirkiyê bi îstîsmar û şantajê li ser hesabê wan li Ewropayê digirt, û niha xeleka nijadperestiyê li hember wan berfirehtir dibe. Ji ber vê yekê dewleta Tirk careke din bi çarenûsa xwe dilîze û hewl dide nêzîkbûna xwe bi hikûmeta Sûriyê re bike, ku di encamê de rastî gelek qeyranan bi taybet krîza aborî û penaberan tê û amadebûna xwe ji bo vegerandina peywendiyan nîşan dide bêyî ku ti garantiyek werbigire. Tirkiyê wê dagirkeriya xwe ya li herêmên berfireh ên xaka Sûriyeyê bi dawî bike”.
Di berdewamiya daxuaniyê de ev hate gotin: “Her kes dizane ku Tirkiyê bi serkêşiya hikûmeteke koalîsyonê ya nijadperest û neteweperest li dijî hemû pêkhateyên herêmê û bi taybetî jî li dijî Kurdan rola wêranker lîstiye û niha rastî qeyranan hatiye derfeta nijadperestiyê û navenda rêxistin û fînansekirina terorê ku ji aliyê DAIŞ û yên din ve tê temsîlkirin Ne veşartî ye ku armanca sereke ya dewleta Tirk ji nêzîkbûna bi hikûmeta Sûriyê re, têkbirina projeya rêveberiya xweser a herêmên bakur û rojhilatê Sûriyê ye ku yekîtiya xaka Sûriyê û tevna civakî parastiye, li dijî terorê têdikoşe. Tekezî li ser diyaloga navxweyî li gel hikûmeta Sûriyê û hemû aliyan bo çareserkirina kirîza Sûriyê kir”.
Di dawiya daxuaniyê de siyaseta PDK ê hate şermezarkirin, her wiha bang li hemû gelê Kurdistanê hate kirin: “Em li kantona Efrîn û Şehba siyaseta Partiya Demokrata Kurdistanê ya ku li ser hesabê doza gelê Kurd hevkarê dagirkeriya Tirkiyê dike, şermezar dikin. Em bang li Kurdan dikin ku helwesta xwe ya li ser siyaseta PDK’ê ya hevkariya bi Tirkiyeyê re diyar bikin.
