Birûc Resûl/Qamişlo
4`emîn salvegera damezrandina Yekîtiya Ragihandina Jin YRJ`ê li bajarê Qamişlo bi coşeke mezin hat pîroz kirin.
Bi boneya 4`mîn salvegera damezrandina Yekitiya Ragihandina Jin (YRJ), bi amadebûna bi dehan rojnamevanên jin ên li Herêma Bakur û Rojhilatê Sûriyeyê li avahiya ragihandinê ya li bajarê Qamişlo şahiyek hat lidarxistin.
Di hola şahiyê de wêneyên rojnamevanên jin ên şehîd yên Tevgera Azadiyê, Yekîneyên Parastina Jin (YPJ) û Ajansa Nûçeyan a Hawar (ANHA) hatibûn daliqandin û xemlandin.
Şahî bi deqeya rêzgirtin li ser giyanên şehîdan hat destpêkirin û pşitire senvîzyonek li ser pênasekirina YRJ`ê de hat pêşkêş kirin, her wiha berdevka Yekitiya Ragihandina Jin YRJ`ê Arîn Siwêd axivî û wiha got: “Di vê rojê de em hemû şehîdên çapemeniyê di serî de rojnamevan Şevîn Bîngol bi bîr tînin ku bi avakirina çapemeniya Kurdî heta niha 100 şehîdên rojnamevan li Kurdistanê û 28 şehîd li Herêma Bakur û Rojhilatê Sûriyeyê di oxira derxistina heqîqetê û gihandina dengê şoreşê de şehîd bûne. Her wiha em ê ji bo derxistina deng û rengê Şoreşa Jin her li ser soza xwe bin.”
Di şahiyê de televîzyona El Yewm peyama pîrozbahiyê şand û tabloyek weke diyarî pêşkêşî Yekîtiya Ragihandina Jin (YRJ) kir.
Şahî bi govend û coşeke mezin hat bi dawî kirin.