Argêş Gewda/Qamişlo
Dayikên dîlgirtîyên azadiyê diyar kirin ku heta azadiya fîzîkî ya Rêber Apo pêk were, ew ê dest ji doza xwe bernedin û çalakiyên xwe dewam bikin. Herwiha dayikan bang li saziyên navneteweyî kirin ku bi erkê xwe yê exlaqî rabin û li hemberî tecrîda girankirî bêdeng nemînin.
Di 10’ê Cotmeha 2023’an de bi dirûşmeya” Ji Rêber Abdullah Ocalan re azadî ji pirsgirêka kurd re îareserî” ji bo azadiya fîzîkî ya Rêber Apo pêngaveke cîhanî hat destpêkirin û li tevahiya cîhanê bi milyonan kes beşdarî vê kampaniyê bûn. Di heman çarçoveyê de Dîlgirtiyên azadiyê li girtîgehên Bakûrê Kurdistanê û Tirkiyê dest bi çalakiya girava birçîbûnê a dorveger kirin. Di 4’ê Nîsanê qonaxa 2‘mîn çalakiya girtiyên zindanan hat destypêkirin. Di vê qonaxê de girtiyên azadiyê têkilyên bi riya telîfonê û hevdîtina bi malbat û parêzerên xwe re baykot kirin.
Derbarê çalakiya girtiyên azadiyê ya ji bo azadiya Rêber Apo, dayikên dîlgirtiyan ji rojnameya me re axivîn.
‘Pêwêste cîhan deng bide dengê dayîkên dil şewat’
Gelbeyaz Mihçi dayîka dilgîrtîyê bi navê Mehdî Mihçi da xuyakirin ku tecrîda li ser Rêber Apo tê meşandin li ser tevahiya gelê Kurd e û wiha got” :Tecrîda niha li ser Rêberê Gelan Rêber Apo tê meşandin, li ser gelê Kurd giştî tê meşandin. Heya tecrîda li girtîgeha Îmraliyê neyê rakirin, heya em derheqê Rêber Apo û zarokên xwe agahîyekê negirin em nasekinin û wê çalakiyên me dewam bikin. Zarokên me jî di bin tecrîdeke girankirê de ne. Ev nezî 2 salan e me bi zarokên xwe re ne hevdîtin kirye û nejî telefonekê axivîne.
Dayîka Gulbeyaz axiftina wiha qedand: “Zarokên me ti kiryarên dervî mirovî nekirine û bê sucin. Kurê min bê sebeb 14 sal cezayê girtîgehê lê hatîye birîn. Pêwîste cîhan bêdeng nemîne û li hemberî wê zilm û tecrîdê bi erkê xwe rabe. Em dayîkin û em ê heya zarok û Rêberê xwe azad nekin em nasekinin.”
‘Êdî tu axiftin nema ku em bikin’
Emîne Atak ku dayika dîlgirtîya bi navê Necla Atak e, jî derheqê tecrîd û kiryarên ser zarokên wan tên meşandin wiha got: “Edî tu axiftin nema ku em bikin. Em salan e li ser pîyane ji bona dengê xwe cîhanê û sazîyên navnetewî bidin guhdarkirin. Cîhan dema mijar dibe Kurd û Rêber Apo ker û lale. Nêzî salekê ye min bi keça xwe re bi ti awayî hevdîtîn nekirye. Divê demildest ev tecrîda girankirî li ser Rêberê gelê Kurd Rêber Apo bê rakirin. Em hêvî dikin ku aşitî u aramî bê Kurdistanê û Rojhilata Navîn bi giştî. Em hez dikin ku zarokên me bên azad kirin.
Doza ku dane meşandin dozeke heqe û em ê pey doza zarokên xwe ne. Bangawazîya min ji bona komaleyên mafên mirovan jî heye, bila hevdîtinek li Îmralîye pêk bînîn. Em demekê kurt de hezdikin ku agahîyekê ji Rêbertîya xwe bigirin.”