Ronaz Silêman/Qamişlo
Bi pêşengtiya Însiyatîfa Azadiya Rêber Abdullah Ocalan, şêniyên bajarê Qamişlo, Tilhemîs, Tirbispiyê û Amûdê meşeke girseyî li bajarê Qamişlo li dar xistin û tê de banga azadiya fîzîkî ya Rêber Apo û rakirina tecrîda girankirî kirin.
Însiyatîfa Azadiya Rêber Abdullah
Ocalan li bajarê Qamişlo ya kantona Cizîrê meşeke girseyî li dar xist. Meş ji Çerxerêya Osman Sebrî dest pê kir û li pêşiya Navenda Mihemed Şêxo ya Çand û Hunerê bi dawî bû. Di meşê de şêniyên bajarê Qamişlo, Amûdê, Tirpêsbiyê, Tilhemîs û bi sedan endamên Meclis û Saziyên Rêveberiya Xweser tevlî bûn. Herwiha di meşê de siloganên ‘azadî azad ji bo Rêberê netewî û bijî serok Apo’ hat qîrandin.
Di destpêkê de deqeyek rêzgirtin li ser giyanên şehîdan hat rawistandin, piştre li ser navê Însiyatîfa Azadiya Rêber Abdullah Ocalan Ibtîsam Hisên
û Heyal Elxuyîr axivîn û wiha gotin: “Ev 25 sal in Rêber Apo têkoşîneke bê hempa ji bo azadiya gelê bindest dide meşandin, her wiha bi projeya wî ya netew demokratî û bi fikir û ramanên wî pirsgirêkên hemû cîhanê çareser dibe, lewra li ser Rêber Apo komployeke navnetewî hat meşandin û roj bi roj tecrîda giran li ser tê ferzkirin, lê her çiqas tecrîd li ser Rêber Apo giran bibe, ewqasî em ê jî berxwedana xwe mezin bikin.”