Ronaz Silêman/Qamişlo
Di 8`ê Hizêranê de, di encama êrişa dewleta Tirk a dagirker de zarokê bi navê Mistefa Elselmo hat kuştin, girêdayî vê yekê Rêxistina Stêrk a Şopandin û Parastina Mafê zarokan li Bakur û Rojhilatê Sûriyê daxuyaniyeke nivîskî li Bexçeyê Helebce dan.
Rêxistina Stêrk a Şopandin û Parastina Mafê zarokan li Bakur û Rojhilatê Sûriyê girêdayî kuştina zarokê bi navê Mistefa Elselmo ku di encama êrişa dewleta Tirk a dagirker de, di 8`ê Hizêranê li ser sînorê Amûdê û Qamişlo li gundê duda hat kuştin, li Bexçeyê Helebce yê taxa Kornîş daxuyaniyeke nivîskî hate dayîn.Daxuyanî bi tavlîbûna zarokên bajarê Qamişlo yên girêdayî Rêxistina Stêrk hat xwendin, her wiha daxuyanî bi zimanê Kurd hate dayîn û ji aliyê endama Rêxistina Stêrk Rojda Xelîl ve hate xwendin.
Naveroka daxuyaniyê wiha ye:
Di van demên dawî de li ser herêma Bakur û Rojhilatê Sûriyê êrîşên dewleta Tirk a dagirker zêdebuye. Li ser axa ku gelê Rojava xwediyê wê ye, rojane mirov têne kuştin. Her wiha gelek zarok di encama êrişên dewleta Tirk a dagirker de dibin hedef û têne kuştin. Di dîroka 8`ê Hizêrana 2024`an de, li ser sînorê bajarê Amûdê û Qamişlo li gundê Duda leşkerên dewleta tirk a dagirker êrîş kir û di encama gulebaranê de zarokê bi navê Mistefa Hisên Elselmo yê ku temenê wî 16 salî bû hate qetilkirin û kesek din jî birîndar bû.
‘Pêwîste li hemberî êrişan bertek bên nîşandan’
Daxuyanî wiha bi dawî bû: “Pêwîste êrişên dewleta Tirk a dagirker li ser xaka Rojava bê rawestandin. Êdî zarokên Rojava li ser axa xwe, li gundê xwe, li nav zeviyên xwe bikaribin azad tevbigerin. Bi navê Rêxistina Stêrk ya Şopandin û Parastina Mafên zarokan bang li hemû kesên peywendîdar, saziyên mafên mirovan û mafên parastina zarokan li hember van kiryarên dij mirovî yên ku dagirkeriya tirk dimeşîne bê deng nemînin û bertek nîşan bidin, qebûl nekin û xwedî li zarok, jin, ciwan û mirovan der bikevin.”
