Şaredariya bajarê Herzele ya Belçîkayê navê kolaneke bajêr kirin Kurdistan.
Şaredariyê bi merasîmekê navê Kurdistan li kolanê danî. Nûnerê Rêveberiya Xweseriya Demokratîk ê Ewropayê Ebdulkerîm Omer tevlî çalakiya navenda kolanekê bajarê Herzelê yê Belçîkayê bû.
Serokê peymangeha kurdî ya li Belçîkayê Derwîş Ferho û Ebdulkerîm Omer ji aliyê şaredarê Herzeleyê Van Tittlboom û endamên meclisê ve li şaredariyê hatin pêşwazîkirin. Di şahiyê de Omer axivî û spasiya şaredar û endamên meclisê kir. Omer bal kişand ser zehmetiyên ku gelê Kurd di têkoşîna ji bo azadiyê de dikişîne û rewşa Kurdan li Îranê, Tirkiyeyê, dîlgirtina Rêber Abdullah Ocalan, bi hezaran siyasetmedar û şaredaran bi bîr xistin.
Omer bal kişand ser Şoreşa 19`ê Tîrmehê û projeya Rêveberiya Xweseriya Demokratîk, rola jinan di projeyê de û fedekariyên Kurdan û pêkhateyên din li hemberî DAIŞ`ê. Omer têkildarî geşedanên dawîn ên li Bakur û Rojhilatê Sûriyeyê, hilbijartinên şaredariyan ku dê 11`ê Hezîranê li dar bikevin, agahî dan.
Dûre beşdarên civînê berê xwe da kolana ku bi ‘Kurdistan’ hatiye navkirin û şaredar û nûnerê Rêveberiya Xweser perde ji ser tabloya navê kolanê rakir.