Vîndar Roj/ Şehba
Faşîzma Tirkiyê bi destpêkirina hilbijartiên Şeredariyan li Bakur û Rojhilatê Sûriyê de, êrîşên xwe yên hovene bê navber didomîne. Meclîsa Kantona Efrîn û Şehbayê ji bo şermezarkirina van êrîşan daxuyaniyek ji bo raya giştî dan.
Ji aliyê Meclîsa Kantona Efrîn û Şehbayê daxuyaniyek ji bo şermezarkirina êrîşên dagirkeriya Tirkiyê yên ku bi hemwextî lidarxistina hilbijartinên Şeredariyan li herêma Bakur û Rojhilatê Sûriyê tên kirin dan. Êrîşên dagirkeriyê zêdetir bûne û bê navber di dem û cihên cuda de pêk tên û herêmê hedef digire.
Daxuyanî bi beşdarbûna bi dehan ji endamên saziyên Rêveberiya Xweser li Kampa Serdem hat dayîn û daxuyanî bi zimanê Kurdî û Erebî hate xwendin.
Naveroka daxuyaniyê jî wihabû.
Di daxuyaniyê de hate eşkere kirin ku Rêveberiya Xweser hemû dewlet û rêxistin vexwendin ku çavdêriyê ji bona hilbijartinan bikin û wiha hat gotin: “Dewleta faşîst a Turkiyê ji ber ku di alûziyên hûndirîn ên pir mezin ên aborî û siyasî re derbas dibe û gel li derdora vê hikûmeta faşîst nema, ruxmî ku pir hîle û hewildanên faşîst li ser gel dane meşandin, lê di hilbijartinên xwecihî de bi binket, lewma li hemȗ rêyan digere ji bo êrîşî herêmên rêveberiya xweser a Bakûr û Rojhilatê Sûryê bike, ji ber rêveberiya xweser ji cîhanê bi gîştî re îspat kir ku ev rêveberî temsîla hemî pêkhateyan dike û li ser vê bingehê biryara lidarxistina hilbijartinên şaredariyan stand û tevahî saziyên navdewletî û civakî vexwand ku çavdêriya van hilbijartinan bikin”.
Di daxuyaniyên de hate destnîşan kirin ku: “Gef û êrîşên dewleta Tirk li ser herêmên rêveberiya xweser pir zelal û eşkere ye ku qirkirina gelan û vîna wan a azad tê hedef girtin, ev jî hemû zagonên navdewletî binpê dike”.
Di dawiya daxuaniyê de êrîşên faşîzmê hatin şermezarkirin û wiha hat gotin: “Em weke gel li kantona Efrîn û Şehba bi hemû sazî û dezgehên xwe, êrîşên hovane yên dewleta Tirk li ser herêmên rêveberiya xweser şermezar dikin”.
“Her wiha em îlan dikin ku wê gelê me bi îsrareke mezin biçe ser sandoqan û îradeya xwe ya azad îfade bike”.