Lîloz Hisên/ Qamişlo
Hevserokê Fakulteya Mafnasî ya Zanîngeha Rojava Kamîran Şêxî diyar kir ku hêviyên wan bi xwendekarên zanîngehê pir mezin e, ew piştî çar salan ji xwendina mafnasiyê dikarin derbasî saziyên edaletê bibin û dest bi kar bikin.
Li Herêma Bakur û Rojhilatê Sûriyeyê piştî şoreşa 19`ê Tîrmehê û bi raghandina Rêvebiya Xweser ya Demokratîk, çar zanîngeh li herêmên cuda hatin ava kirin ji destpêka sala 2015`an, di zanîngehan de fakulte û peymangehên beşên cihêreng dihewîne, her sal berî derçûna xwendekaran hin beşên xwendinê proje û lêkolînên xwendinê weke madeyek bingehîn ji xwendekaran tê xwestin, li gorî vê yekê xwendekar projeya xwe ya derçûnê amade dike û ji hêla komîteya perwerdê û çavdêriyê tê nîqaş kirin.
Fakulteya Mafnasî ya zanîngeha Rojava di sala 2020-2021`an hate avakirin, ev koma yekeme ya derçûnê ye ji fakulteya Mafnasî, piştî nîqaşkirina projeyên derçûnê, ezmûn tên destpêkirin, êdî xwendekar bi awayekî fermî tên derçûnkirin.
Girêdayî vê mijarê hevserokê Fakulteya Mafnasî ya zanîngeha Rojava Kamîran Şêxê ji rojnameya me re diyar kir ku qûnaxa nîqaşkirin û
nirxandina projeyên derçûnê ji bo xwendekarên sala 4`an ya fakulteya mafnasî, ji hêla komîteya perwerdê û çavdêriyê di dema heyî de tê kirin, roja çarşemê roja dawî ya nîqaşkirina projeyan e.
Kamîran Şêxê wiha got: “8 xwendekarê jin û 6 yên xort projeyên derçûnê pêşkêş kirin, bi giştî 14 xwendekar bûn, projeya derçûnê gava dawî ye ji qûnaxa xwendina zanîngehê, ew gelek giringe di jiyana xwendekarên zanîngehê de.”
Derbarê projeyan û asta wan de jî Şêxî wiha pê de çû: “14 proje hatin pêşkêşkirin li ser 4 grûpan hate parçekirin, navneteweyî, cezayî, îdarî û sivîl hatin dabeşkirin, xwendekaran li gorî xwestekên xwe mijar hilbijartin, di lêkolînên xwe de behsa tawanên terorîzmê, bikaranîna çekên qeqexe, û bazirganiya mirovan, li ser kuştina bi mebest û rewşên wê hate kirin, lêkolînên wan bi astek bilind derbsa bû.”
Karîran Şêxî wiha destnîşan kir: “Mijarên lêkolînê yên xwendekaran derbarê bandora terorê li ser li Herêma Bakur û Rojhilatê Sûriyeyê, herwiha êrîşên dagirkeriya Tirkiyeyê û DAIŞ`ê li ser herêmê; derxistin pêş, pitşî bi dawîbûna nîqşkirina projeyên derçûyê, ezmûn destpê dikin, piştre encamên xwendekaran diyar dibin.
Di dawî de Kamîran Şêxî wiha axaftina xwe qedand: “Naveroka rêbazê xwendinê xwedispêre qanûna Sûrî û ya Rêvebriya Xweser bi hev re tê dayîn, da ku li cem xwendekar çandeke qanûnî û ya manfasî berfireh çêbibe.”