Ayşa Silêman/ Qamişlo
Herêma Bakur û Rojhilatê Sûriyê wekî 192 bajar û bajarokan hatiye dabeşkirin, lê hinek dever di bin dagirkeriyê de ne û hinek jî di aliyê binesaziyê de nehatine amedekirin, ji ber vê yekê wê hilbijartin li 134 şaredariyan çêbibe.
Pêvejoya piropaxandeya Hilbijartinên şaredariyan wê ji 26ˊê Gulanê heta 10ˊê Pûşberê berdewam bike. Hevbendiya Gelan û Jinan a ji bo azadiyê ya ku beşdarî hilibijartinan dibe, li Hesekê û Qamişlo yên kantona Cizîrê, kantona Minbicê, kantona Reqa û bajarê Kobanê ya kantona Firatê starta propagandaya hilbijartinê li dar xistin da ku namzetan bide nasîn û bernameya hilbijartinê eşkere bike.
Girêdayî amedekariyên hilbijartinan herî dawî navê namzetan hat diyarkirin ku heya niha hijmara namzetan li ser asta herêma Bakur û Rojhilatê Sûriyê gihiştiye 5337 namzetan.
Di heman demê de li Bakur û Rojhilatê Sûriyê 134 şaredarî hene. Hijmara namzetên serbixwe 272, li Kantona Firatê jî 411 namzet, li Dêrazorê 404, li Minbicê 229, li Cizîrê 3104, li Efrîn 129, li Tebqayê 528 û li Reqayê 532 nemzat heya niha hatine komkirin. Wek din jî gelek partî beşadarî lîsteyan bûne, listeyek ji 22 partiyan pêk tê navê wê lîsteyê ” Hevbendiya jinan û gelan ji bo azadiyê” listeya din jî bi navê ” Bi hev re ji bo xizmetên çêtir. Her wiha kertên hilbijartina hîn tên belavkirin, ji ber vê yekê navendên dengdanê hijmara wan diyar nebûye. Ji derveyê vê yekê Partiyên Siyasî, Partiya Tehalif, Partiya Wehdê, Partiya Avakirin û Pêşxistin û Partiya Elweten Elsûrî serbixwe daketine hilbijartinan.
Amedekariyên ji bona hilbijartinên şaredariyan hêdî hêdî ber bi dawiya belavkirina kertên hilbijartinan ve diçin. Di heman demê de peywendî bi desteya perwerdeyê re hatiye çêkirin, ji bo diyarkirina mamosteyan li ser her sindoqekê. Her wiha li ser her sindoqekê 3 mamoste wê çavdêriyê bikin û 2 mamosteyên din jî dema ku hate xwestin wê cihê wan dagirin.