Zana Roj/ Şehba
Dagirkeriya Tirk û çeteyên wê êrişên xwe yên li dijî gelê Efrînê bê navber dewam dike, koçberên Efrînê yên li herêma Şehbayê rojane têne hedefgirtin. Di meha Gulanê de herêma Şehbayê bi çek û balafirên bê mirov hate topbarankirin û di encama wê de gelek welatî şehîd û birîndar bûn.
Siyaseta faşîzma Tirkiyê ya tunekirina gelê Kurd bi hovîtiyeke gelek mezin tê domandin. Bi taybet êrîşên hovane li Hermên Parastinê yên Medyayê, Bakur û Rojhilatê Sûriyê bê navber pêk tîne. Her çiqas armanca dagirkeriya Tirkiyê talankirin, tunekirin û dagirkirin be jî lê bi pêkanîna van êrîşan faşîzma Tirkiyê ne li hember Gerîlayên azadiyê di Herêmên Parastinê yên Medyayê de û ne jî di Bakur û Rojhilatê Sûriyê de gihşt tu encaman. Li hember van êrîşan têkoşîneke bê hempa tê meşandin û di hemû aliyan de bersivên giran tên dayîn.
Herêma Şehbayê ya ku bi koçberên Efrînê tê naskirin. Di qonaxa duyemîn ji berxwedana Serdemê, gelê Efrînê bi hêza xwe ya berxwedan û têkoşînê ji 6 salan ve li hember hemû pilan û siyasetên dijmin li ber xwe dide.
Dagirkeriya Tirk piştî dagirkirina herêma Efrînê ji 6 salan ve gelê koçber û şêniyên Şehbayê dike hedef. Bi tavahî teknîka xwe ya pêşketî û balafiran herêmê topbaran dike. Di encama van êrêşan de bi dehan komkûjî li dijî zarok û xelkên herêmê pêk anî.
Rûxmî ku hemû êrîşên dagirkeriyê li hember cavê cîhanê tên pêk anîn, her wiha tavahî êrîş û encamên êrîşan tên belgekirin û belavkirin. Lê raya giştî li hember van sûcan bê deng dimîne û dewleta Tirk ya dagirker weke dagirkerî û sûcdar nagirin dest. Ev yek rê li pêşiya dagirleriya Tikr vedike ku vê yekê berdewam bike.
Ji destpêka meha Gulanê ve artêşa Tirk û komên çeteyan bi giranî gundewarên Efrînê û herêma Şehbayê topbaran dike. Di van topbaran de zarok hatin şehîd xistin û birîndar çêbûn, her wiha zeviyên welatiyan hatin şewitandin.
Li gorî belgekirina Ragihandina Leşkerî bîlancoya êrîşên dagirkeriyê di meha Gulanê de li ser tavahî herêmê wiha bû.
dagirkeriya tirkiyê û komên çeteyan bi giştî 30 gundên herêmê kirin armanc.
Bîlancoya giştî ya topan wiha bû: Dagirkeriya Tirk û çeteyên wê bi hezar û 193 guleyên obîsan, 153 guleyên hawn, 20 guleyên tangan, 130 guleyên çekên qedexekirî, 30 guleyên topên Girad , 30 guleyên topên SPG, 5 guleyên Isbecîno û 6 caran bi balafirên bêmirov herêm kir armanc.
-Di 1’ê Gulanê de artêşa Tirk a dagirker 2 caran bi balafirên keşfê gundê Şawargahê hedef girt û di encamê de tenê ziyanên madî çêbûn.
-Di 5’ê Gulanê de artêşa Tirk a dagirker maleke sivîlan a li gundê Tanabê hedef girt û di encamê de tenê ziyanên madî hebûn.
-Di 12’ê Gulanê de artêşa Tirk a dagirker gundê Maranazê bi balafirên keşfê hedef girt û ziyan tenê madî bû.
-Di 14’ê Gulanê de artêşa Tirk a dagirker gundê Muşeirfa hedef girt û di encamê de zerar li zeviyên cotyaran ên gundê Taana şewitîn û di encamê de 5 hektar genimê welatiyê bi navê Ebdulhadî El-Tayeb yê ji gundê Taana.
-Di 15’ê Gulanê de artêşa Tirk a dagirker bi balafirên bê mirov noqteyeke hêzên hikûmeta Şamê hedef girt û ziyan tenê madî bû.
-Di 16’ê Gulanê de artêşa Tirk a dagirker gundê Maranazê bi balafirên keşfê hedef girt û ziyan tenê madî bû.
-Di 18’ê Gulanê de artêşa Tirk a dagirker gundê Semûqayê hedef girt û di encamê de 3 zarok birîndar bûn û zarokekî din jî yê bi navê (Ferês Xelef Îbrahîm 13 salî) jiyana xwe ji dest da.
-Di 19’ê Gulanê de artêşa Tirk a dagirker Bendava Şehba kir hedef û di encamê de leşkerekî girêdayî artêşa Şamê yê bi navê Beşar Cebûra (36) birîndar bû.