Birûc Resûl/Qamişlo
Bi dirûşmeya ‘Jin Hêza Guhertinê ye Ji Bo Jiyaneke Demokirat û Azad’ 5`mîn Kongra Yekîtiya Jinên Suryan, li bajarê Qamişlo hat li dar xistin.
Di 25`ê Gulanê de kongra Yekîtiya Jinên Suriyan ya 5`emîn, bi dirûşmeya “Jin Hêza Guhertinê ye Ji Bo Jiyaneke Demokiratîk û Azad”, bi beşdariya delege û endamên Yekîtiya Jinên Suryanî li bajarê Qamişlo hate lidarxistin. Armanca kongrê nîqaşkirina kar û xebatên ku di nava salekê de hatin kirin, binerxînin.
Di kongirê de nûnerên deste û saziyên Rêveberiya Xweser yên herêma Bakur û Rojhilatê Sûriyê û saziyên civaka sivîl tevî endamên Koordînasyona Jinan a Bakur û Rojhilatê Sûriyê û endamên Komîteya Jinan di Rêveberiya Xweseriya Demokratîk de amade bûn.
Di destpêka kongirê de deqeyek rêzgirtinê li ser giyanên şehîdan hat rawistandin, piştre li ser navê Yekîtiya Jinên Suryan Elham Matlî axivî û di axaftina xwe de behsa rewşa Sûriyê bigiştî, alozî û şerê ku bûye sedema kuştina bi sedan jinan û wiha domand: “Jinan di nava van şert û mercan de karîbûn demokrasç û azadiyê ava bikin, herwiha jinên Suryanî ji bo xwe bigihînin astekî pêşketî ku nasnameya xwe raxin ber çavan, xebitîn. Me soz da ku em ê hemû destketiyan biparêzin, têkoşîna li dijî neheqiyê bidomînin, em hemû bi hêvî ne ku biryarên kongrê bigihêjin hêviya xwe û gihandina hêza jina Suryanî.”
Di heman demê de li ser navê Desteya Jinan a Bakur û Rojhilatê Sûriyê Necla Temo kongra 5`mîn li jinan pîroz kir û wiha got: “Lidarxistina kongra 5’mîn di nava şert û mercên zehmet ku herêm tê re derbas dibe, bi serê xwe serkeftine.”
Her wiha pîrozbahiyê ji aliyê sazî û desteyên jinan ve hatin xwendin. Paşî bi rêya rapora vîdeoyî ji aliyê jinên Meclîsa Beys Nehrîn ve axaftinek hat kirin. Di heman demê de sinefiziyon li ser kar û xebatên ên Yekîtiya Jinên Suryanî di nava salekê de, hat pêşkêşkirin.
Piştî vê yekê xwendina xebatên Yekîtiyê yên di nava sala borî de, nîqaşkirina rêziknameya ji bo erêkirinê û hilbijartina serokatiya Meclîsa Federasyonê, pêk hat.
Di dawiyê de deriyê ji bo tevlîbûne endaman di nava Meclîsê de hat vekirin.
Hêjayî gotinê ye ku kongra yekemîn di 20`ê Gulana 2013’an de hate lidarxistin.
