Rêxistina Stêrk a Parastina Mafê Zarokan bi boneya 15’ê Gulanê Cejna Zimanê Kurdî li bajarê Qamişlo şahîk li dar xist.
Amara Baran/Qamişlo
Rêxistina Stêrk a Parastina Mafê Zarokan li bajarê Qamişlo, bi boneya Cejna Zimanê Kurdî şahî ji Zarokan re lidarxist. Di şahiyê de rêvebera rexistina Stêrk a Parastina Mafê Zarokan Jûlya Xelo axivî û bi xerhatina hemû kesên di şahiyê de amadebûne kir û wiha got: “Em vê rojê li hemû cîhanê pîroz dikin û bi taybet gele kurd, ger em îro li zimanê xwe xwedî derbikevin tê wata ku em li dîroka xwe xwedî derdikevin, em di wê hêviyê de ne ku em li ziman û çanda xwe xwedî derbikevin. Armanc me ji vê şahiyê ew e ku zarokê pêşerojê xwedî li ziman û çanda xwe derbikevin.”
Di şahiyê de bi dehan zarok, herwiha 20 zarok jî ji medresa Mihemed Selim Elxelef bi mamosteyên xwe re tevlî şahiyê bun. Di şahiyê de zarokan pankartên “ zimanê me rûmeta me ye, Zimanê me dîroka me ye. Zimanê me zimanê Dayikê ye” rakirin.
Di dawiyê de zarokan govend gerandin.