Bi duruşma “Ictîhad û nûkirin dergehên çareseriya pirsgirêkên Rojhilata Navîn in.” Kongreya Islama demokratîk a Bakur û Rojhilatê Sûriyê sêyemîn kongreya xwe li bajarê Qamişlo bi beşdariya 450 delegeyan li dar xist.
Amara Baran/ Qamişlo
Kongireya Islama Demokratîk bi silogana “Ictîhat û nûkirin dergehên çareseriya pirsgirekên Rojhilata Navîn in” li navenda Mihemed Şêxo ya çand û hunerê a Bajarê Qamişlo kongra xwe ya sêyemin li darxist
Kongre bi deqeyek rêzgirtin destpêkir. Di kongreyê de endamên PYD, TEV-DEM, Saziya Malbatên Şehîdan, Mala Îzîdiyan , Zerdeştî , Rewşenbîr, Kongra Star, Rêveberiya Xwaser, Saziyên Civaka Sivîl û hemû endamên kongreya Islama Demokratîk beşdarê bûn.
Di kongrê de nerîn û analîzên Rêber Abdullah Ocalan yên derbarê olê de ji aliyê Mela Abdulrehman Bedirxan ve hatin xwendin, herwiha peyama KCK’ê jî hat xwendin.
Axaftina vekirina kongrê ji aliyê hevserokatiya Kongreya Islama Demokratîk a Bakur û Rojhilatê Sûriyê ve Dalal Xelîl û Mele Mihemed Elxerzanî ve hate xwendin.”
Delal Xelîl balkişand ser taybetmendiyên ola Islamê di ronîkirina civakê de û got: “Ola Islamê mîna olên din xizmetê ji mirovahiyê re dike, lê belê pergalên desthilatdar ol kirin mîna şûrekî di destê xwe de û ji cewherê wê dûr xistin.”
Delal di dawiya axaftina xwe de diyar kir ku pêwîste xîtaba rasteqîn a olan ku hevduqebûlkirin û merhemetê ji xwe re dike bingeh, serwer be.
Hevserokê Kongreya Islama Demokratîk li Bakur û Rojhilatê Sûriyê Mihemed El-Xerzanî diyar kir ku sedemên nakokiyan çîrokên mezhebî û olî ne ku dibin sedema avabûna cudahiyên etnîkî û wiha got: “Konferans dê bibe xaleke zivirînê di dîtina mirov ya li hember hevjînê xwe ya bi rêya diyalogê.
Çêgirê Hevserokatiya Meclisa Rêveber a Bakur û Rojhilatê Sûriyê Hemdan El-Ebd jî wiha axivî: “Li Sûriye û Rojhilata Navîn divê em yekitiya axaftin û diyalogê bikin. Projeyek navneteweyî ya ku pirsgirêkên li cîhanê çareser dike pêk tînên.”. Pêwîste civakekî ku tê de hezkirin û qencî hebe ava biikin.
Berdevka Kongra Star Rîhan Loqo wiha axivî: “Hemû kesên olperest bi navê olê li welatên ku bê edalet derdikevin û berê xwe didin heremên me, erîşên mezin li ser dîrok û hebûn û nasnameya jinan û gelan didin çêkirin, bi navê islamê tecawiz, destdirêjî û serjêkirinê dikin. Kongreya Islama Demokratik kombûneke pîroze hêviyên mezin ewin ku kongra islama demokratîk bi aşitî, aramî û biratiyê bi erken xwe rabin.”
Pişte axaftinê Qesîdeyên Olî yê helbestvanê kurd Cîgerxwên ji aliyê Abdullah Şexo û mele Hogir ve hatin xwendin.
Di dawiya kongrê de wê di derbarê hibijartinê Rêveberiya kongrê de biryar werin girtin, herwiha hevpeymana civakî, rêziknama kongra îslama demokratik û raporên salane werin xwendin û gotûbêjkirin.
Tê payin ku sibê bi daxuyaniyeke encama kongrê ji raya giştîre bê dayîn.