Mala Barzanî her dem bi xiyanet û rûreşiya xwe cihê xwe di nava dîroka Kurdistanê de girtiye. Her ku têkoşîna azadiya Kurdistanê mezin dibe, PDK’ê jî di xiyaneta xwe de israr dike. Rêvebera Meclisa Jin ya Saziya Malbatên Şehîdan Cewahir Osman diyar kir ku wê xiyanet nikaribe vîna gelê Kurd bişkîne.
Amara Baran/ Qamişlo
Dewleta Tirk a dagirker ji bo li Başûrê Kurdîstanê êrişekî nû a dagirkeriyê pêşbixe û axa Başurê Kurdîstanê desteser bike, pişte 12 de salan serdana Hewlêr û Bexdayê kir. Ji dîrokê heta roja me ya îro, mala Barzanî her tim bi îxanet û rûreşî di nava rûpelên dîrokê de cih girtiye. Her ku têkoşîna gelê Kurd mezin dibe û berxwedanî bi hêztir dibe, PDK’ê jî di xeta xwe ya îxanetê de bêhtir israr dike.
Derbarê xiyaneta PDK’ê û serdana Erdogan ya dawî ya ji Bexda û Hewlêrê re Rêveberiya Meclisa Jin a Saziya Malbatên Şehîdan ya Bakûr û Rojhilatê Sûriyê Cewahir Osman ji rojnameya me re axivî.
‘Mala Barzanî bi her pêngavekî re îxaneta xwe nû dike’
Cewahir Osman diyarkir ku hevkarîya mala Barzanî a bi hikûmeta AKP’ê re hevkariyekî dijî exlaqê mirovahiyê ye û wiha domand: “Ev pilan ne pilana yeke ye ne jî ya dawiyê ye, ji dîrokê heta niha malbata Barzanî ango hûkûmeta PDK’ê bi her bûyerekî re bi her pêngavekîre îxaneta xwe nû kir. Ev bi salane destekê didin dewleta Tirk a dagirker, ji salê 1992’an jî PDK’ê pêşengti dikir da ku erîşên heremên gerîla bikin. Îro jî bi heman hovîtî û qirêjahiya xwe, ji tevahî gelan û cîhanê re bi hemû hewldanên xwe, rûreşiya xwe didin isbatkirin. “
‘Başûrê Kurdistanê bûye parêzgeha AKP’ê’
Cewahir di dewamiya axaftina xwe de wiha got: “Êdî Hewlêr bûye bajarek ji bajarê Tirkiyeyê. Mala Barzanî dilê wan ji xiyanetê têr nebûye. Beriya vê hêviya me hebû ku dest ji xiyanetê berde, lê mala Barzanî ji xeta xiyanetê tu carî venagere. Hûkumeta AKP’ê wek penceşêrekî deste xwe daniye ser hertiştê taybet mesele aborî, siyasî, leşkeri û hwd, li başur desteser kiriye. Di ziyareta 22’ê Nîsanê de Erdogan dema çû Hewlêr û Bexdayê jî kelha Hewlêre bi alên Tirkiyê xemilandin, dîroka kelhê ji bona berjewendiyê xwe yên malbatî dixwaze hewildanê xwe mezin bike bi hemû awayê xwe bê wate û bê îrade bike, li hemberê hûkûmeta AKP’ê dixwaze Heqaretê li dîroka kelhê bi qehremanî û lehengiya ku hatiye meşandin bike , bi hemû rengan dixwaze desthilatdariyê bide dewleta tirk a dagirker. Di ziyareta Erdogan a li Bexdayê de, Bexda xeta sor nîşan da û heta dawiyê jî li gor siyaseta wî neçû û xewn û xeyalên wî pêk neanî, xwadî li parastina siyaseta sînorên Iraqê derket, mixabin PDK’ê derfeta derbaskirinê daye dewleta tirk , zêdetirê 45 xalên leskerî li Başûrê Kurdistanê desteser kirine û bi rengek dagirkirî sînorê Başur desteser kirine. Çi bejahî çi jî bi balafiran be, bi çeken kîmyewî bi tang û topan axa Başûr tê bombebarankirin. Dewleta tirk erîşên xwe bê navber bost bi bost li ser qaden gerîla dide meşandin ev noxtên ku di sînorên Başurê Kurdistanê de ne.Mixabin mala Barzanî li hemberê vî bedeng dimînin û dibin hevkarê dijmin.”
Heta ku îxanet hebe ewe hevrêziya kurdî pêkney
Cewahir wiha balkişand ser hevrêziya kurdî û got: “Heta xeta îxanetê hebe ewê hevreziya kurdî çênebe heta ku dosya û destê rexistinên derva di hundirê kurdîstanê de hebin hevrêziya kurdî çênebe. ENKS jî wek şaxekî ji mala barzanî destek dide mala marzanî ji bo wî jî yek gavê navêje ji bo hewreziya kurdî ji bo parçekirina kurdîstanê û qetlîamê li ser kurdan destek didin hevdû. Ger yekrêziya kurdî çebûbûya aloziya sûriyê jî çareser bibe mala barzanî taybet deqtê li partiyên ku li bakur û rojhilatê sûriyê de dijîn dikin dako yekrêziya kurdî çêbibe, heta ku xeta îxanetê bimeşe ewê yek rêzîya kurdî jî çênebe.
Îxanet nikare vîna gelan bişkîne
Cewahir di dawiyê de dîyarkir ku” her çiqas kiryarên bê ehlaq li kurdîstanê bimeşînin jî ewê nikaribin vîna gelan bişkînin, niha li heremên parastina medyayê gerîla bi lehengî û bi berxwedaniye kî bê navber di mevziyanda li hember îxanetê li berxwe dide. ” em jî wek meclîsa malbatê şehîdan hata dawiyê li pay doza zarokên xwe bin û îxaneta ku mala barzanî dike pêwîste were şermezar bikin.
Cewahir di dawîyê de bang li tevahî gelê kurd kir û wiha anî ziman “Gerîla bi gel heye û gel jî bi gerîla heye. Wê tu carî xiyanet bi ser nekeve. Em bang li tevahî gelê Kurd û bi taybet li gelê Başûrê Kurdistanê dikim ku xwedî li gerîla derkevin û li hemberî xiyaneta mala Barzanî serî hildin.”