Lîloz Hisên/ Qamişlo
Şêniyên bajarê Qamişlo bi meşekê girseyî tecrîda li ser Rêber Abdullah Ocalan şermezar kirin û tekez kirin ku felsefeya Rêber Abdullah Ocalan kilîta çareseriya tevahî pirsgirêkan e.
Ev nêzî 3 salane tu agahî ji Rêber Abdullah Ocalan nayê wergirtin. Her wiha serlêdanên parêzeran û malbatê tên red kirin, ji bo azadiya fîzîkî ya Rêber Abdullah Ocalan li seranserî cîhanê kampaniyên ji bo azadiya Rêber Abdullah Ocalan a fîzîkî tên destpêkirin û çalakî tên li dar xistin.
Bi sedan ji jinên kantona Qamişlo ji tevahî pêkhateyan, her wiha jinên di saziyên Rêveberiya Xweser û rêxistinên jinan de tevlî meşa ji bo şermezarkirina tecrîda li ser Rêber Abbdullah Ocalan bûn.
Meş ji hêla Kongra Star ve hate organîz kirin, di meşê de wêneyên Rêber Abdullah Ocalan her wiha pankaratên li ser nivîsên( Ji Bo Rêber Apo Azadî û Ji Pirsgirêka Kurd Re Çareseriya Siyasî, Azadî û Edalet ji Rêber Abullah Ocalan re) hate hildan.
Meş ji taxa Kornîş destpê kir û nêzî çerxereya (Felahîn) rawestiya, piştî deqeyek rêzgirtin ji bo giyanê şehîdan endama Kordînasyona Kongra Star Şîraz Hemo axivî.
Şîraz Hemo di destpêka axafina xwe de tevahî şehîdên azadî û rûmetê bibîr anî û got: Em ê heta dawî li ber xwe bidin û riya şehîdên pakrewan bişopînin.
Şîraz Hemo di dewama axaftina xwe de wiha destnşan kir: Gelê ku bi felsefeya Rêber Abdullah Ocalan xwe rêxistin kiriye wê her tim di nava têkoşînê de be û wê biser bikeve.
Şîraz Hemo got: Dijmin dixwest bi girtina Rêber Abdullah Ocalan roja gelê kurd û yên azadîxwaz tarî û tune bike lê ev plana dûrî nirxên mirovahiyê ji mijlê gelê berxwedêr û jina azad hate rûxandin. Îro li zêdeyî 100 navendên cîhanê kampaniyên ji bo azadiya Rêber Abdullah Ocalan destpêkiriye berdewame.
Şîraz Hemû di dawî de got: Bi saya felsefeya Rêber Abdullah Ocalan îro em hene û li ser piyanin, bi vê felsefeyê civakê heqîqeta xwe nas kir û ev felsefe wê bibe kilîta çareseriya tevahî pirsgirêkên herêmê.
