Hemza Sêvo/ Qamişlo
Îro Belgefîlma Jinwar li Navenda Çand û Hunerê ya Mihemed Şêxo ya bajarê Qamişlo bi beşdarbûna şêneyên Kantona Cizîrê, nûnerên Saziyên Rêveriya Xweser, şêneyên gundê Jinwar û hwd… hat pêşandan.
TEV_ÇAND bi tevkariya Komîna Fîlm a Rojava, Jinwar û Laqêr Fîlm, Belgefîlma Jinwar weke yekem car bi tevlîbûna şêneyên Kantona Cizîrê, nûner û endamên Saziyên Rêveriya Xweser, şêneyên gundê Jinwar, rewşenbîr,
mamoste tevgerên jinan, dan pêşandan.
Naveroka wê li ser şêweyê jiyana jinan ku di hundurê gundê Jinwar de tê jiyankirin herwiha danasîneke ji gundê Jinwar re ye. Di heman demê de jî diyarkirina astengiyên ku derdikevin pêşberî jinê di gundê Jinwar bi xwe de. Wekî tê zanîn jî gundê Jinwar girêdayî navçeya Dirbespiyê ye û ji sala 2017’an de hatiye avakirin.
komîna Fîlm a Rojava bi tevkariya TEV_ÇAND, Gundê Jinwar û Laqêr Fîlm di afrandina Fîlmê Jinwar de beşdar in.
Hêjayî gotinê ye ku ji destpêka ku ev gund ê ku li ser bingehê fikir û felsefeya Rêber Apo hateye avakirin ve, dîmen ji bo çêkirina Belgefîlmê Jinwar heya 2020’an hatin tomarkirin. Êdî kêlî bi kêlî ji jiyana gundê Jinwar dîmen ji bo belgefîlm hatin qeydkirin. Jê û bi şûn de jî heya sala 2024’an karê montaj, werger, reng û deng li ser hat kirin.
Ev fîlm weke yekem fîlm ê bi taybet jinê ye ku li ser asta Bakur û Rojhilatê Sûriyê ve tê çêkirin.
Di destpêkê de hemû kesên beşdar ji aliyê komîteya amadekar ve hatin vexwendin. Piştre jî weke axaftina destpêkê û danasîna vî belgefîlmî ji aliyê komîteya amadekar ve hat gotin.
Belgefîlm ji derhîneriya Nadiya Derwîş e, dirêjahiya vî belgefîlmî 40 deqe ye, lewma kesên beşdar 40 deqeyan bi kêfxweşî li Belgefîlmê Jinwar temaş kirin.
Piştî ku belgefîlm bi dawî bû derhênera Belgefîlma Jinwar Nadiya Derwîş, sipasiya hemû kesên beşdar û saziyên ku keda xwe di ber vê belgefîlmê de dane, kir.
