Ayşa Silêman/ Qamişlo
Yekîtiya Jinên Ciwan li ser asta herêma Bakur û Rojhilatê Sûriyê , bi dirûşmeya ‘Bi Jin jiyan azadî ber bi şoreşa Jinê ve’ Konferansa ˊNeteweya Demokratîk û Konfederaliya Jinan li bajarê Qamişlo li dar xist.
Îro di demjimêr 11′ an de Yekîtiya Jinên Ciwan li ser asta herêma Bakur û Rojhilatê Sûriyê konferansa ‘ Neteweya Demokratîk û konfedraliya Jinan bi dirûşmeya “Bi jin, jiyan, azadî ber bi Şoreşa jinan ve” li navenda Mihemed Şêxo ya çand û hunerê ya bajarê Qamişlo li dar xist.
Konferans bi xuleyek bêdengî li ser giyanê şehîdan dest pê kir, paşê komîteya amadekar bi xêrhatina hemû mêvanan kir û pilana konferansê ji haziran re zelal kir.
Herwiha li ser navê kordînasiyona Yekîtiya Jinên Ciwan Heyfa Mihemed axivî, di heman demê de silifizyonek li ser nirxandinê Rêber Apo li ser esasê
rêxistinkirina jinên ciwan û jin bi awayekî giştî û rola wê di civakê de hat pêşkêş kirin.
Piştî wê vîdiyo hatin pêşkêşkirin têde nêrînên jinên ciwan yên derveyî welat ji Efxanistan,Misir, Ewrûpa, Şengal û Başûr bûn, her yek ji wan nêrînên xwe li ser konfiransê dan.
Di heman demê de du semîner hatin dayîn; yek li ser konfidralîzma Netewa Demokratîk bi giştî û ya din jî li ser rola jinên ciwan di avakirina sîstema Netewa Demokratîk de. Herwiha li ser van herdu semîneran nîqaş hatin kirin û piştî niqaşê encam hatin girtin. Di dawiya konfiransê de jî daxuyanî ji bo jinên ciwan yên Kîniya li ser tevlîbûna wan ji hemû qadan re hat xwendin.
