Zana Roj/ Şehba
Di 30’ê Nîsanê de pêşhilbijartinên giştî li herêma Şehbayê hatin pêk anîn. hilbijartin bi tevlîbûneke mezin ji girseya gel hatin lidar xistin. Tavahî pêkhateyên herêmê bi îradeyeke xurt berê xwe dan sandoqên hilbijartinan.
Di 30 ê Nîsanê de Hilbijartinên Şeredariyan yên pêşwext li herêma Şehbayê bi tevlîbûneke mezin ji girseya gel bi hemû pêkhateyên xwe hat lidar xistin û hilbijartin li hemû navçeyên herêmê hatin pêk anîn.
Navçeyên ku pêşhilbijartin lê pêk hatin wiha ne: Navçeya Şêrewa, navçeya Tel Rifat, navçeya Ehrezê li gundê Tel Qirehê û Ehrezê . Navçeya Ehdas Kampa Serdem û Maratê, navenda navçeya Ehdas, navçeya Fafînê li Halîse, Fafîn û Kampa Berxwedanê,
Sandoqên hilbijartinan Ji saat 9 heya 5 dewam kirin.
Ev pêşhilbijartin bi tevlîbûna namzetên jin yên ku di 27’ê Nîsanê de hatine derketin, her wiha bi 42 namzetên PYD’ê yên giştî hatin pêk anîn.
Encamnameya pêşhilbijartinan di 1’ê Gulanê de bi daxuyaniyekê hate ragihanidin û navên namzetên ku hatine derketin wiha ne:
Bajaroka şêrewa: Esûm Hemedî – Henîf Sîdo
Bajaroka Til Rifet: FatmA Ibrahîm – Reşîd Fatko
Bajaroka Ehrez : Îman Toko – Faroq Sîdo
Bajaroka Ehdas: Rozelîn Koşen – Hisîn Ebdo Sîdo
Bajaroka Fêfîn: Gelewîş Silêmen – Mehmûd reşîd
Girîdayî hilbijartinên giştî yên ku li ser asta navçeyên herêmê hatine lidar xistin. Endamên komîteya hilbijartinan yê Navçeya Fafînê Hûrî Wqas û endamê Meclîsa
Giştî ya PYD’ê Loqman Jaro ji rojnameya me re axivîn.
Hûrî Weqas da zanîn ku hilbijartin bi tevlîbûneke mezin hatin pêk anîn û wiha got: “Di giştî navçeyên ku sandîkeyên dengdayînê hatine danîn, hejmareke gelek mezin ji girseya gel berê xwe dan wan hilbijartinan. Ji saetên sibê heyanî danê êvarê hilbijartin hatin domandin. tavahî pêkhateyên li herêmê bi coşeke mezin tevlî hilbijartinan bûn. Ev yek jî weke gaveke serkeftî hate dîtin. Her wiha hemû sandîk di êvarê de hatin veikirin da ku encamnameya hilbijartinan ji gel re bê eşkerekirin.”
`Îradeya gel bersîva herî tund li hember têkbirina polîtîkeyên dijmin e`
Di heman çarçoveyê de Luqman Jaro destnîşan kir ku di herêma Şehbayê de avêtina vê gavê tê wateya têkbirina polîtîkeytên dijmin û serketina îrdeya gel û wiha got: “Modêla hilbijartinên şeredariyan di Bakur û Rojhilatê Sûriyê de gavekî nû ber bi serkeftinên mezin ve ye. Bi taybet di herêma Şehbayê de lidarxistina hilbijartinên gel xwedî wate û girîngiyeke cuda ye. Herêma ku her tim rastî êrîşên dagirkerkiya Tirkiyê û ambargoya Hikumeta Şemê tê, di roja îro de îradeya gel li ser esasê demokrasî û pêkanîna pirojeya Rêvebeeriya Xweser tê derketin. Ji lewra ev bersîva herî tund ji têkbirina hemû siyasetên ku dixwazin îradeya gelê ku ji 6 salan ve li ber xwe dide ye. avêtin û serkeftina van hilbijartinan tê wateya têkbirina tavahî polîtîkeyên dijim.”
Luqman da xuyakirin ku hilbijartin deriyê ku derbasî fermiyetbûyînê ye û wiha domand: “Hilbijartinên ku tên lidarxistin ne gavekî ji rêzî ye. Ev hilbijartin di aliyê veguhartin û bandorên siyasî de xwedî misyone. Hilbijartin yel ji gavên serkeftina Pirojeya Rêveberiya Xweser e û deriyê ku em derbasî fermiyetê di aliyên siyasî û diplomasî bibin e.”