Kongira Star li Kantona Efrîn û Şehbayê hilbijartinên pêşwext yên Şaredariyan di 27’ê Nîsanê de lidar xistin. Îro li herêma Şehbayê Kongira Star encamnameya hilbijartinên xwe bi daxuyaniyekê eşkere kirin.
Zana Roj/ Şehba
Kongira Star ya kantona Efrîn û Şehbayê encamnameya hilbijartinên pêşwext yên şaredariyan bi daxuyaniyekê eşkere kirin. Di daxuyaniyê de hemû namzetên navçeyan yên ku bi ser ketine her wiha bi dehan ji jinên saziyan amede bûn. Daxuanî bi zimanê Kurdî ji aliyê berdevka Koordînasyona Kongira Star Rîhan Elo û bi zimanê Erebî ji hêla endama Koordînasyona Kongira Star Ferîda Îbo ve hate xwendin.
Di destpêka daxuyaniyê de hat diyar kirin ku ev yekemîn gava ku hatiye avêtin bi saya hezaran ji şehîdan ye û wiha hate gotin: “Di serî de em vê qonaxa ku bi têkoşîna bêwestan û têkoşîna berdewam a jinan ku bi îradeya jinan û cara yekemîn di hilbijartinan de bi tevlîbûna jinan di hilbijartinan de bi dawî bû, li hemû jinên Bakur û Rojhilatê Sûriyê pîroz dikin. pêşengiya jinan a li dijî rejîmên desthiladar ên baviksalarî têdikoşe û bi saya fedekariya bi hezaran şehîdên jin ên ku canê xwe feda kirin ji bo xaka welat û fedakarî ji bo parastina destkeftiyên vê şoreşê”.
Her wiha namzetên ku bi ser ketin hatin eşkere kirin: “Hilbijartinên pêşwext yên hevserokên şaredariyên kantona Efrîn Şehba bi awayeke demokratîk û bi beşdariya jinan ji hemû pêkhateyan hatin lidarxistin û li 20 navendên hilbijartinan rojekê berdewam kir. Di dawiyê de, deng bi giştî hatin jimartin û encamên wê hatin ragihandin, ku dê di qonaxan de bikevin lîsteyên hilbijartinan yên demên pêş”.
Navçeya Şêrawa, Asom Mihemed Hemeda
Navçeya Tal Rifat Fatima Behir Îbrahîm
Navçeya Ehresê Îman Toko
Navçeya Ehdas Rozalîn goşan
Li navçeya Fafîn Kalawîş Silêman Silêman
`Hilbijartinên pêşwext ji bo pêkanîna azadî û demokrasiyê`
Daxuyanî bi vî awayî hate bidawî kirin: “Morala ku bi tevlêbûna jinê di avakirina civakeke exlaqî û ekolojîk de bigihêje perensîba demokrasiyê. Li ser rêgezên azadiya jinê ku bi şoreşa jinê ya li dijî perensîbên neteweya desthilatdarîya derketiye, taybetiyên sedsala 21’an diguhere û wê biguhere. Bi fikir û ramana Rêber Abdullah Ocalan. Em hêvî dikin ku ev qonaxa hilbijartinên şaredariyan bibe gava yekem ji bo pêkanîna rêgezên azadî û demokrasiyê li herêmên Bakur û Rojhilatê Sûriyê û avakirina sîstemeke konfederal ji bo jinan li Rojhilata Navîn”.
