Birûc Resûl/Qamişlo
Di Konferansa Ekolojiyê ya Yekemîn de 2 mijara bi sernavê “Li Kurdistanê têkiliyên di navbera qirkirina komî û qirkirina ekolojîk de û tevkariya di navbera rêxistin û tevgerên li Bakur û Rojhilatê Sûriyeyê de pêk hat.
Konferansa bi dirûşma “Bi paradîgmaya ekolojîk a Rêber Apo bi awayekî fîzîkî azad bikin û doza Kurd çareser bikin” ji aliyê Desteya Jîngehê ya Herêma Bakur û Rojhilatê Sûriyeyê ve hatiye organîzekirin.
Konferansa Ekolojiyê ya Yekemîn li ser 2 rojan berdewam kir, bi beşdariya 120 kesî, nûnerên Rêveberiya Xweseriya Demokratîk, partiyên siyasî, rêxistinên civakî û sivîl li avahiya Zanîngeha Rojava ya li bajarê Qamişloyê hat li darxistin.
Rûniştina roja duyemîn a konferansê li ser 2 mijaran hat nîqaş kirin; li Kurdistanê têkiliyên di navbera qirkirina komî û qirkirina ekolojîk de û tevkariya di navbera rêxistin û tevgerên li Bakur û Rojhilatê Sûriyeyê de pêk hat.
Di heman demê de li ser navê Desteya Rêveber a Tevgera Civaka Demokratîk Aldar Xelîl axivî û wiha got: “Konferans tevî êrişên dewleta dagirker a Tirk li ser herêmê di nava avakirina civaka ekolojîk de ye. Tevî xerabûna wê ya li hawirdorê jî em dikarin jiyanê li Rojava bi hawirdorê re xurttir bikin.”
Piştî wê hevkariya rêxistin û tevgerên Bakur û Rojhilatê Sûriyê hat nirxandin
Konfernas bi gotûbêj û daxuyaniyê hat bidawîkirin.
Yekemîn Konferansa Ekolojiyê bi dawî bû
