Kongra Star li kantona Efrîn û Şehbayê amedekariyên tevlîbûna hilbijartinên şeredariyan dikin. Berdevka Koordînasyona Kongra Star ya Kantona Efrîn û Şehbayê Rîhan Elo anî ziman ku hilbijartin yek ji destkeftiyên Şoreşa jinê li Bakur û Rojhilatê Sûriyê ye.
Zana Roj/ Şehba
Di 27 ê mehê de wê hilbijartinên Kongra Star ji bo diyarkirina namzetên jin ji hilbijartinên giştî yên ku di 30 ê Gulanê de bêne lidarxistin dikin. Kongira star di vê çarçoveyê de amedekariyên berfireh ji bo vê yekê dikin. Bi tayebt ev yekemîn care li Bakur û Rojhilatê Sûriyê de hilbijartinên şeredariyan bi vî awayî tên lidar xistin. Ji lewra îradeya jin di van hilbijartinan de xwedî cihekî taybete ku îradeya jinê di şoreşa Rojavayê Kurdistanê de temsîl dike.
Têkildarî hilbijartinên Kongr Star yên ku wê di 27’ê Nîsanê de bêne lidarxistin berdevka Koordînasyona Kongra Star ya Kantona Efrîn û Şehbayê Rîhan Elo ji rojnameya me re axivî.
`Ev hilbijartin xwedî mîraseke giran e`
Rîhan anî ziman ku hilbijartinên ku bêne lidar xistin xwedî wate û kedeke demdirêje û wiha got: “Di dîroka Şoreşa Bakur û Rojhilatê Sûriyê de yekemîn care yekemîn e sîstema hilbijartinên jin yên şeredariyan tên orgenîze kirin. Di hilbijartinên ku dihatin çêkirin de jin bi nêrîna her du cinsan dihatin hilbijartin, lê vê carê jinên ku derbasî hilbijartinên gîştî bibin wê destpêkê ji aliyê Kongra Star ve bêne hilbijartin. Bê guman ev gav jî ji bo me û tavahî gavên ku di şoreşê de hatine pêşxistin xwedî
wateyeke cûda ye. Ev gav bi ked û fedakartiyên ku jin di seranserî şoreşa rojava de kiriye ye, xwedî mîraseke gelek buhaye ku jinê di Bakur û Rojhilatê Sûriyê de xwe gihand vê astê.”
Amdedekariyên hilbijartinên pêşwext yên Kongra Star
Rîhan derbarê hilbijartin û amedekariyên ku ji hêla Kongra Star ve hatine kirin wiha axivî: “Ev hilbijartinên pêşwext yên derbasbûna lîsteya jin ji hilbijartinên giştî yên 30 Gulanê re ye. Di van hilbijartinan de wê lîsteya me û yê PYD ê yek be. Derbarê danasîna navarok û vexwendina jinê ji van hilbijartina re hemleya ziyaretkirina malbatan ji aliyê endamên kongra Star û PYD’ê ve hatin kirin, her wiha komîteyek taybet ji bo hilbijartinan hate derxistin, ev komîte beriya hilbijartinê di hemû navçeyan de dest bi civînan kirine. Ev civîn li ser girîngiya pêkanîna hilbijartinan her wiha sîstema wê çawa were birêvebirin tên lidar xistin. bê guman temenê ku wê bikaribin deng bidin ji 18 û jor de ye. Di heman demê de li seranserî Şehab 20 navendêm fermî yên hilbijartinan hatin diyar kirin. Dema hilbijartinan bi amedebûna komîteyên taybet wê jin berê xwe bidin sindoqan. Hilbijartin wê 27’ê Nîsanê de bêne çêkirin û wê rojekê berdewam bike û ferza wê di eynî rojê de wê bê kirin.”
`Ji bo pêşketinê wê gavên nû bên avêtin’
Rîhan xuya kir ku ev hilbijartin wê bi xwe re gavên nû bîne û wiha axaftina xwe bi dawî kir: “Ev hilbijartin xwedîderketina li keda jina têkoşer yê ku bi sala ye li hember guhartina zihniyet û hişmendiya civakê şerkiriye ye. bê guman wê bi xwe re guhartin û gavên nû di oxira pêşxistinê de bîne. Em di wê hêviyê de ne jî namzetên ku bên derketin wê layiqî ked û hebûna her jinekê bin, ku bikaribin bibin temsîlciyê tavahî jinên civakî de”.