Di 23’ê Nîsanê de li welatê Belcîkayê navenda Stêrk TV û Medya Heber ji aliyê polîsên Belcîkayê ve hate êrîşkirin. Xebatkarên Stêrk TV yên li kantona Efrîn û Şehbayê diyar kirin ku armanca êrişan têkbirina dengê heqîqetê ye û gotin, “Wê bi êriş û kiryarên xwe nikarbin dengê heqîqetê ji holê rakin.”
Zana Roj/ Şehba
Siyaseta hedefgirtina çapemeniya Azad di şexsê rojnamegerên Kurd de li çar aliyên cîhanê tê pêkanîn. Ev siyaset nîşaneya tepisandina dengê rojnemegeriya ku li ser şopa heqîqetê tê pêkanîne. Ji aliyê faşîzma Tirkiyê ve li Tirkiyê û bakurê Kurdistanê ev yek bi hemû rengên zext û hedefgirtinan tê beredewam kirin û bi sedan kesayetên rojnameger di zîndanên faşîzmê de girtîne. her wiha di Başûrê Kurdistanê de jî bi dehan caran rojnemevanên Kurd hatine binçavkirin û şehîd xistin, bûyera herî dawî ya revandina Rojnameger Silêman Ehmed jî şahidê herî zindî ye.
Di salvegera 20’emîn ya piştî sedî li ser roja rojnemegeriya Kurdî re careke din navenda Stêrk TV li welatê Belcîkayê ji laiyê polîsên wî welatî ve hate êrîş kirin. Ev yek dide diyarkirin ku ev siyaset bi pilangeriyeke pir zirav li ser çapemeniya Kurdî êdî derbasî welatên Ewropayê jî dibe.
Di çarçoveya rûdana êrîşên ku li ser navenda Stêrk TV li Belcîkayê hatiye kirin, xebatkarên Stêrk Tv li Kantona Efrîn û Şehbayê Ferîda Zede û Şahan Efrîn ji rojnameya me re axivîn.
‘Pilangeriyên nû tên pêşxistin’
Rojnemevan Ferîda anî ziman ku di nava geşedanên siyasî de êrîşên nû li ser doza gelê Kurd di şexsê çapemeniyê de tên pêşxistin û wiha got: “Di destpêkê de êrîşên ku li ser navenda Stêrk Tv û Medya Heber hatine pêk anîn bi tundî şermezar dikin. dibe ku bûyereke bi vî rengî ne yekem û ne ya dawiyê ye. lê bi taybet di salvegera Roja Rojnamegeriya Kurdî re qewimandina bûyereke bi vî awayî li Ewropayê her wiha binçavkirina rojnamevanan li Bakurê Kurdistanê bê guman ne ji rêzê ne. bi hemwextiya pêşketina geşedanên siyasî re yên vê dawiyê de di navbera faşîzma Tirkiyê û Hikumeta PDK ê li Başûrê Kurdistanê. Dide ragihandin ku pilangeriyên nû li ser gelê Kurd tên saz kirin”. 
‘Êrîşên li Belcîkayê sûceke li dijî rojnamegeriyê ye ’
Qewimandina bûyereke bi vî engî li welatên Ewropayê û bi taybet li Belcîkayê yê ku xwe weke dewleteke herî demokrat dide nîşand de, rasterast derî li guman û lêpirsînan vedike. care yekemîn e navendeke televezyonê bi vê tundiyê di saetên evarê de ji aliyê polîsan ve tê êrîşkirin. Ev yek dide diyar kirin ku qedexekirina derxistina dengê heqîqtê tê kirin.
Ferîda di vê çarçoveyê de wiha got: “Dewleta Belcîkayê ya ku xwe weke dewleteke herî demokrat dide nîşandan. Îro tê dîtin ku êrîşên derveyî pîvanên mirovahiyê, derveyî pîvanên çapemeniyê her wiha weke sûcekê li dijî rojnamegeriyê tê pênasekirin dide kirin. polîsên Belcîkayê hemû teknîk û alavên navendê talan dikin her wiha hewil didin ku weşan bi giştî bê sekinandin û beriya rojderketinê jî ji navendê derdikevin. Di vir de tê xuyakirin ku ji bo tepisandina deng û rengê heqîqetê her wiha ji bo eşkerekirina pilanên faşîzmê pilaneke hevgirtî di navbera dagirkeriya Tirkiyê û hikumeta Belcîkayê de heye, da ku heqîqet neyê eşkere kirin”.
‘Şopa lêgerînvanên Heqîqetê tê berdewam kirin’
Rojnamegerên Kurd li çar aliyên cîhanê bi sûc û gefên cuda cuda tên hedefgirtin û binçav kirin. Di asta yekemîn de faşîzma Tirkiyê van sûcan di derheqê kesayet û rojnamegerên Kurd de dide kirin. di dîroka faşîzma Tirkiyê de bi hezaran rojnamegerên Kurd hatine girtin û di encama îşkenceyê de hatine şehîd xistin. bi taybet bi herikîna Tevgera Azadiya Kurdistan re ev yek zêdetir bû. Faşîzma Tirkiyê di her kêlî û derfetê de kesayetên rojnameger yên di lêgerîna heqîqetê de îsrar dikirin hedef girtiye. Pêşengên weke Cengîz Altun, Yahya Orhan, Musa Anter û Gurbetellî Ersoz. Her wiha li rojavayê Kurdistanê bi sedan pêşengên mîna Mazlûm Bagok, Arîn Cûdî, Rohenda Efrîn û Îsam Abdullah di encama êrîşên dagirkeriya Tirkiyê de gihîştin asta şehadetê. Dîsa li Başûrê Kurdistanê qehreman û pêşengên weke Qasim Engîn, Denîz Firat, Nûjiyan Orhan û Nagîhan Akarsel bi lêgerînên xwe bûn hedefa dagirkeriyê.
Herwiha Şahan destnîşan kir ku Siyaseta hedefgirtina Rojanamegeran bi sala ye tê domandin û wiha got: “Hewildanên hedefgirtinên Rojnamevanên Kurd bi awayekî pir zêde tê kirin. faşîzma Tirkiyê hebûna Rojnamevanên Kurd li ser xwe weke xeterî dibîne û di asta yekemîn de tepisandin û tunekirina sazî û destgehên çapemeniya Kurdî dike. li çar perçeyên Kurdistanê hewildana tunekirin û hedefgirtina rojnamevanan dike. Ger bi êrîşan nebe bi siyasetên binçavkirin û cezayê vê yekê dide meşandin. lê rûxmî hemû zehmetî û hedefgirtinan jî di riya şopandin û derxistina heqîqetê de bi hezaran kesayet û rojnamevan xebatên xwe didin meşandin. Bi taybet di bûyera êrîşkirina Navenda Stêk Tv de û çawa ku kêliyekê jî weşan nehat sekinandin û ragihandina bûyerê di hemû aliyan de bi çarçoveyekî gelek xurt hate kirin, ev yek bersîva herî giran ji fayîlan re bû”.
`Emê di bilindkirina dengê berxwedanê de gav baş de neavêjin`
Şahan Efrîn bi van gotinan axaftina xwe bi dawî kir: “Di oxira ragihandina dengê heqîqetê de zêdetirî 50 salî ye berdelên gelek giran tên dayîn. Di berdewamkirina vê têkoşînê de berdel çi dibe bila bibe emê tu carî li ser xeta şehîdan û bilindkirina dengê berxwedanê de gav paş de neavêjin. Li ser vê esaê em banga hemû rojnamevanên Kurd dikin ku çawa ku bi sala ye heqîqeta dagirkeriyê ji cîhanê re radighînin, em bikaribin bi ked û têkoşîna ku tê dayîn bibin hêza yekemîn li hember têkbirin û valaderxistina pilanên dijmin”.