Birûc Resûl/Qamişlo
Di çarçoveya hilbijartinên şaredariyan yên herêma Bakur û Rojhilatê Sûriyê ku wê 30’ê Gulana 2024`an de bê li darxistin, li 7 kantonan komîteyên hilbijartinê tên avakirin. Piştî erêkirina Qanûna Dabeşkirina Îdarî wê nexşerêya hilbijartinê bê eşkerekirin.
Piştî erêkirina Hevpeymana Civakî di dawiya sala 2023’an de, Meclisa Gel a Demokratîk a Rêveberiya Xweser a Herêma Bakur û Rojhilatê Sûriyeyê di Sibata sala 2024’an de yasaya Komîseriya Bilind a Hilbijartinan a Herêma Bakur û Rojhilatê Sûriyê pesend kir û endamên komîseriyê hatin erkdarkirin.
Di 28’ê Adara 2024‘an de Komîseriya Bilind a Hilbijartinan a Herêma Bakur û Rojhilatê Sûriyê civîna xwe ya yekemîn li dar xist. Di civînê de makanîzmaya komîseriyê hat nîqaşkirin û dema destpêkirina hilbijartinan hat diyarkirin. Komîseriya Bilind a Hilbijartinan 3 nivîsgeh damezirandin û ji bo her yekê hevserok hilbijartin. Ew jî nivîsgeha çavdêrî û îtîrazê, nivîsgeha daîreya hilbijartinê û nivîsgeha perwerdeyê ne. Her wiha logoya komîseriyê hat pêşniyarkirin û ji aliyê endamên wê ve hat erêkirin. Di logoyê de bi 3 zimanan hatiye nivîsandin.
Her wiha komîteyek ji 6 endamên komîseriyê ji bo amadekirina rêziknameya komîseriyê, hat damezirandin. Komîseriyê ragihand ku hilbijartin dê di 30’ê Gulana bê de dest pê bikin.
Di vê çarçoveyê de Hevseroka Komîseriya Bilind a Hilbijartinan a Rêveberiya Xweseriya Demokratîk a Herêma Bakur û Rojhilatê Sûriyeyê Rûken Mele Îbrahîm ji Rojnemeye me re axivî.
‘Di 30’ê Gulanê de wê hilbijartinên şaredariyan were destpê kirin’
Rûken Mele Îbrahîm diyar kir ku wê 30’ê Gulana 2024’an navendên dengdanê ji bo hilbijartinên şaredariyan vebin û wiha got: “Komîseriya Bilind a Hilbijartinan a Herêma Bakur û Rojhilatê Sûriyeyê di civîna xwe ya yekemîn de makanîzmaya komîseriyê hat nîqaşkirin û dema destpêkirina hilbijartinan hat diyarkirin. Di civînê de komîseriyê 3 nivîsgeh damezirandin û ji bo her yekê hevserok hilbijartin. Ew jî nivîsgeha çavdêrî û îtîrazê, nivîsgeha daîreya hilbijartinê û nivîsgeha perwerdeyê ne. her wiha Komîseriyê ragihand ku hilbijartin wê di 30’ê Gulana 2024`an de were dest pê bikin.”
Hazirkirina hilbijartinên şaredariyan
Rûken Mele Îbrahîm di berdewamiya axaftina xwe de bal kişand ser emdekarî û hazirtiyên hilbijartinan û wiha û got: “Li Bakûr û Rojhilatê Suriyeyê wê 30’ê Gulana 2024`an hilbijartinên şaredariyan bên lidarxistin. Di hilbijartinên ku piştî îlankirian rêveberiya xweser wê cara yekem pêk werin, wê hevserokên şaredariyan û endamên meclisên şaredariyan bên hilbijartin. Di heman demê de piştî diyarkirina dîroka hilbijartinê, amadekarî jî dest pê kirine. Di vê çarçoveyê li 7 kantonên herêmê Şehba, Efrîn, Minbic, Firat, Tebqa, Reqa, Dêrazor û Cizîr dest bi avakirina komîteyên hilbijartinê hatiye kirin. Komîserî û Meclisa Gelan a Demokratîk bi hevre xebatên avakirina komîteyan dimeşînin. Komîteyên ku tên avakirin wê ji aliyê Komîseriyê ve di perwerdeyê re werin derbaskirin û piştre dest bi kare xwe bikin. Ji bo hilbijartinan wê kartên hilbijartinan radestî komînan werin kirin û di heman demê de komîn jî wê kartê hilbijartinan li malan belav bike, da ku her kes tevlî hilbijartinan bibe. Li ser asta 121 şaredariyan hazirtiyên berferih hene.”
Rûniştina 97ˊan
Ruken Mele Îbrahîm diyar kir ku Meclisa Gelan a Demokratîk rûniştina 97ˊan bi beşdariya Desteya Hevserokatiya Meclisa Gelan a Demokratîk, endamên meclisên qanûnsaz li herêman û Desteya Rêveberiyên Herêmî û Şaredariyan a Herêma Bakur û Rojhilatê Sûriyê û wiha got: “Di rûniştina 97ˊan de meclisê li ser qanûna şaredariyê û Yekitiya Şaredariyên Demokratîk ku ji 62 madeyan pêk tê erê kir. piştire madeyên qanûna Hilbijartinên Şaredariyan hat xwendin, di heman demê de nîqaş li ser hatin çêkirin û piştî guhartinan li ser hatin erêkirin. Madeyên projeya qanûna Hilbijartinên Şaredariyan ji 29 madeyan e; danasîn, pergala hilbijartinê, namzetbûn, tedbîrên hilbijartinan, encamên hilbijartinan, dagirtina valahiyê û ji nû ve hilbijartin. Projeya qanûna Hilbijartinên Şaredariyan ji 29 madeyan li ser 6 bendan belav e, pêk tê.”
Xalên serke di rûniştina 97`an
Rûken bal kişand li ser xalên serke di yên ku di rûniştina 97`an de hatin erêkirin û wiha got: “Zagona 5`an ya hilbijartinên şaredariyan hat erêkirin, her wiha ji 22 madeyan pêk hat. Di serî de madeyên serdeka yek ji wan Meclisên şaredariyan ku çawa bin û ji çend kesan pêk were, Meclisa şaredariyan wê ji 16`e kesan pêk were, li gor zagonan wiha hat diyar kirin ku heya bigihîje hijmarên pir mezin. Ya din jî kesên ku xwe bernamzet bike ku kî be û çi kese û çert û mercên wî çibin. Ji bo kesênb ku dengê xwe bidin ji heilbijartinên şaredariyan ji despêkê heya dawî ku bi çi rengî were meşandin hat destnîankirin. Di hindirê zagonan de ji xwe 29 made ne û bi awayekî berferih hat nîqaşkirin û hat erêkirin.”
