Amara Baran/ Qamişlo
7 sal di ser êrişa çiyayê Qereçoxê re derbas dibin. Wê demê çeteyên DAIŞ’ê li Reqa û Tebqa li ser destê şervanên azadiyê têk diçûn û bi vê êrişê re rûyê hêzên navnetewî li hemberî Kurdan eşkere bû.
25`ê Nisana 2017`an dewleta Tirk a dagirker bi 26 balafiran li çiyayê Qereçox, navenda fermandariya Giştî, navenda ragihandina YPG’ê, Radyoya Rojava, Çapxane û Saziyên leşkerî bombebaran kir. Di vê êrîşê de, 20 şervanên YPG, YPJ, nûçegihanên şer ên YPG’ê û Radyo rojava şehîd bûn. Di vê êrişa ku hatî kirin û armanca wê endamê radyo Rojava Ela Hiso ji rojnameya me re axifî.
Rojnamevan Ela Hiso diyarkir ku “Beriya 7 salan di 25`ê Nisan a 2017` an de dewleta tirk a dagirker bi 26 balafirên şer erîşê çiyayê qereçoxê kir. Navenda şervanên YPG-YPJ, Radyo Rojava û navenda ragihandina YPG’ê hedef girt. 20 Şervan û Fermandar her wiha 3 jî endamên Radyo rojava di êrişê de şehîd ketin, bê guman ev erişa 2017″an ku pêk hatî, bi taybet hedefgirtina navenda Radyo Rojava û Ragihandina YPG’ê armanca Dewleta tirk a yekemin ew bû ku dengê azad ê gelê Kurd û dengê pêkhateyê Bakur û Rojhilatê Sûriyê qut bike û vîna gel tunebike û gel ji rastiya berxwedanê dûrbixe.”
Radyo Rojava dengê tifinga Egîdan ji cîhanê re ragihand
Ela Hiso diyar kir ku armanca dewleta Tirk astenkirina hemleya QSD’ê ya rizgarkirina herêmên Bakur û Rojhilatê Sûriyê ji çeteyên DAIŞ’ê bû û wiha domand: “Di wê demê de berxwedaniya şervanên YPG-YPJ’ê li hemberê çeteyên DAIŞ’ê ku dan meşandin. Radyoya Rojava kêlî bi kêlî qehremanî û lehengiya şervanan, destanên şervana ji cîhanê re radigihand û armanca wan ew bû ku dengê şervanekî, ciwanekî vî welatî, dengê jinekî azad û dengê gelê berxwedêr bi riya radyoya Rojava bighînin cîhanê.
Êrîşên dagirkeriya Tirk li pêşîya kar û xebatên radyoya Rojava nebû asteng
Ela hiso di berdewamiya axaftina xwe de balkişand li ser qehremaniya şehîdên Radyoya Rojava û wiha dom kir: Dagirkeriya tirk xwast derbeyek mezin li Radyo Rojava bixin û Radyo bide û dengê rastiyê qut bike, lewra ev êrîş pêk anîn. Di êrîşa hovane a dagirkeriya tirk li ser Qaraçoxê di nav de 3 Endamên Radyo Rojava Heqî, Rêvan û Şîlan şehîd ketin, keda her sê hevalan di bingeha avakirina Radyo Rojava de rolekî sereke bû, li hemberê dagirkerîya tirk û çeteyên DAIŞ’ê serî netewandin û bi dengê xwe yê xweş bi israr û îradeya xwe kêlî bi kêlî li kêleka şervanên azadiyê di çeperên şer de serkeftina radyoya Rojava nîşandan. Carekedin bi israr û îradeyek mezin bi tevlîbûna ciwanan Rojava, carekedin radyo Rojava dengê xwe li cîhanê belav kir, şoreşa Rojava bi fikir û felsefeya Rêber Apo ku dibêje ” îradeya me ji pola ye, îrade çiqas bilind bibe wê serkeftin jî tacîdar be” li ser vî bingehî radyo Rojava xebatê xwe yekser bi gel re û rojevên ku civakê eleqeder dike xebatê xwe dide meşandin, erîşa 2017‘an li pêşiya radyoya Rojava nebû kelemek ku radyoya Rojava xebatên xwe berfirehtir bike.
Destpêkirina radyoya Rojava piştî komkujiya qereçox
Ela hiso axaftina xwe berdewam kir û got ku; “Radyo Rojava piştî komkûjiya li ser Qaraçox careke din bi destpêkirina kar û xebatên xwe xwast bersivê bide dewleta tirk û hevalbendê wê, nameya ” Hûn nikarin roja me tarî bikin” Emê bi tekoşîna xwe bibin dengê gel û rastiyê ku fikir û felsefa Rêber Apo û hezkirina wî ji gel, welat û axê re heye, wek radyo Rojava li ser fikir û felsefa Rêber Apo dimeşe û dengê xwe li her qadê belav dike. Radyo Rojava bi sirûda ey raqîb destpê dike û bi gotin û paraznameyên Rêbertî, bi bernameyên jinê û hunerî û civakî weşana xwe dike. Bi saya berdêlên ku hatine dayin bi destpêkirina şoreşa Rojava a 19’ê Tîrmehê radyoya Rojava di asteke bilind de xebatên xwe dide meşandin û li kêleka dezgehên ragihandinê yên bi şoreşa 19’ê Tîrmehê re pêşketîn, mîna Ajansên ku li herêma Rojava pêşketin e, radyo Rojava jî li herêma Bakûr û Rojhilatê Sûriyê xwadî li rastiya şehîdan derket û rojana dibe mêhvanê hemû malbat û saziyan û dengê xwe dighîne gel.
Bernameyên radiyoya Rojava
Ela Hiso di berdewamiya axaftina xwe de diyarkir ku radyo Rojava ji destpêka şoreşê ve xebatên xwe dide meşandin ji bo ku dengê şervana, fikir û felsefa Rêber Apo û daxwazên ciwana li herderê belav bike û li ser wî esasê û bi wî rihê radyo Rojava xebatên xwe dewam dike Bernameyên esasî yên sibaha rojê, wêjeyî, hunerî, çandî, parastin û giringiya ziman, her wiha nûçe û bûyer û geşadanê nav rojê de çêdibin serê seatê carekê têne weşandin, bernameyên girêday civakê li gor daxwaza civakê bi rêya bernameyan heftane pêşkêş dike. Bernameyên taybet ê ciwana jî perwerdeyên ku ciwan didin meşandin, çawa li hemberê şerê taybet bisekinin di weşana radyo Rojava de cîhê xwe digre. Di Radyo Rojava de rola sereke rola jinê ye, li ser fikir û felsefa Rêber Apo bi fikirê xwe yê azad û dengê xwe yê azad mîraseya berxwedanê ji cîhanê re dide xûya kirin. Di radyo Rojava de ferq di navbera pêkhateyên Kurd, Ereb û hwd de tuneye hemû pêk hate bi zimanê xwe tevlî kar û xebatên radyo Rojava dibin. Bi destpêkirina şoreşê re weşana radyoyê berfireh bûye, Li herêma Dêrikê, Hesekê, Reqa, Tepqa, Eyn îsa, Kobanê, Efrîn, Şehba, Başurê Kurdîstanê, li çiyayên azad, Şengal û heta Şamê jî weşana Radyo Rojava heye.
Dewleta tirk a dagirker dixwaze weşana radyoya Rojava rawestîne
Ela Hiso balkişand ser êrişên dagirkeriya tirk û wiha anî ziman “Dewleta tirk gelek caran dixwaze bi rêya teknîka xwe weşana radyo Rojava rawestîne û weşana wê bê bandor bike. Lê li hemberî van hemû êrişan jî radyoya Rojava bi xweşana xwe ya dewlemend, xwe dighîne hemû civakê û bûye dengê rastiyê û azadiyê ji bona gel.
Ela Hiso di dawiya axaftina xwe de şehîdên Radyo Rojava Şilan, Heqî, Rêwan û şehîdên ragihandina azad Seît Evran, Dilîşa Îbîş, Îsam, Rizgar û bi dehan şehîdên ku di xeta çapemeniya Azad de şehid ketine bibîr anî û soza şopandina riya wen bi pênûs û kamereya xwe û ragihandina rastiyê ji civakê re.