Lîloz Hisên/Qamişlo
Bi yekîtiya neteweyî wê dawiya dagirkeriya dewleta Tirk û êrişên wê li ser gelê Kurd bi dawî bibin.
Piştî têkçûna dewleta Tirk a dagirker di hilbijartinên şaredariyên li Tirkiyeyê û Bakurê Kurdistanê, dagirkeriya tirk ji 16`ê Nîsanê ve dest bi êrîşên xwe li ser herêmên Parastinê yên Medyayê kiriye. Derbarê vê mijarê de şêniyên kantona Qamişlo ji rojnameya me re axivîn û helwestên xwe nîşan dan.
Welatiya bi navê Yazî Betal ku dayika du Gerîlayan û hevjîna şehîdekî ye êrişên dewleta Tirk li ser Herêmên Parastinê yên Medyayê şermezar kir û got:” Bila Erdogan baş zainbe ku çiqasî êrîşî me bike wê bi ser nekeve û Em ê her dem li qada bin û piştgiriya Gerîlayan bikin. Her gerîlayek şehîd bikeve wê sed li şûna wî sozên xwe bidin û riya wan bişopînin”.
Yazî Betal wiha gotinên xwe bi dawî kir:”Bangawaziya me ji rêxistinên mafên mirovan û raya gitşî ya cîhanê weke dayikên Gerîla azadiya fîzkî ya Rêber Abdullah Ocalan e. Ji ber ku ew kilîta vê pirsgirêkê ye û çareserî bi riya felsefeya wî wê pêk were. Her wiha em hêvî dikin ku gelê kurd bibe yek dest û yekîtiya kurdî ya neteweyî bê ragihandin”.
Di heman demê de welatiya bi navê Xalsa Yûns helwesta xwe anî ziman û got:”Em ê ji bo pîştgiriya zarokên xwe yên li ser çiyayên kurdistanê têkoşînê bikin û dakevin qadan, em ê dengê xwe bilind bikin da ku bighêje raya gitşî û êrîşên dewleta Tirk bi dawî bibe”.
Xalisa Yûnis hevkariya PDK’ê bi dijimin re şermezar kir û got: “Divê her çar parçeyên kurdistanê bibin yek da ku em dijminê xwe têk bibin û dagirkeriya Tirk û êrişên wê bi dawî bikin. Dewleta Tirk dijminê gelê kurd e û armanca wî qirkirina gelê Kurd e. Ji ber vê yekê daxwaza me ew e, ku em bi yek destî û bi yek dengî li hemberî dagirkeriyê biseknin û yekîtiya neteweyî pêkbînin”.
Her wiha welatiya bi nvê Faris Xelo got: “Ji ber têkçûna dewleta Tirk di hilbijartinên şaredariyan li Tirkiyeyê û Bakurê Kurdistanê de dest bi êrişan kiriye da ku têkçûna xwe veşêre“.
Faris Xelo wiha domand: “Dewleta Tirk tu carî kurdan qebûl nake, eger kurd li ser heyvê jî cihekî ji xwe re ava bikin wê êrîş bike. Ji ber vê yekê encax em weke kurd divê em bibin yek da ku em azadiya xwe pêk bînin”.
Faris Xelo got: “Ez bang li gelê xwe dikim ku ev derfeteke ku em bibin yek û hêza xwe jî bikin yek, îro tê xwestin çi kesê ku dibêje ku ez kurdim gerek îro piştgiriya Gerîlayên ku bi saya wan em gihaştin vê astê bikin”.
Faris Xelo di dawî de got: “Xwesteka me ew e, ku em yekîtiya neteweî ava bikin û xwedî li hev derkevin ancex em karin van êrîşan bisekinînin”.