Tevgera Jinên Kurd a Ewropayê (TJK-E), di çarçoveya pêngava “Ji Abdullah Ocalan re azadi ji pirsgirêka kurd re çareserî” de kampanya “Hezar Jin Yek Deng” ku di 4`ê Nîsanê de destpê kiri bû gîhaşt 300 dengî.
Amara Baran/ Qamişlo
TJK-E, di çarçoveya pêngava cîhanî a “Ji Abdullah Ocalan re azadî û pirsgirêka Kurd re çareserî” ku di Cotmeha 2023’yan de hatibû destpêkirin, 4’ê Nîsan a 2024’an de dest bi kampanya” Hezar Jin Yek Deng” kirin.
Endama TJK-E Zîlan Diyar axifî û wiha got: Kampanya hezar jin yek deng di çarçoveya pêngava “ji Rêber ê Gelê kurd Abdullah Ocalan re azadî ji pirsgirêka kurd re çareserî” de Kesên ku Rêber Apo nasdikin û pirtûkên wî xwendine bi video û dîmenên cur be cur tevlî hemlê dibin. Kampanya ne tenê ji bo mesajekî piştgiriya azadiya Rêber Apo ye, Rêber Apo ji bo wan çima giringe, tê çi wateyê, di kîjan noxtê de bala wan dikêşe, ekolojî, azadiya jin, paradigma, an jî di milê mirovahiyê de, dikarin fikre xwe parve bikin. Jinên ji erdîngariyên cuda, neteweyên cuda, komên ziman ên cuda, bawerî û çandên cuda dikarin bi zimanê ku dixwazin vîdeoyên kurt bikişînin û beşdarî kampanyayê bibin.
Zîlan diyar kir ku, heta niha 300 video li deverên cuda yên cîhanê, ji Rojhilata Navîn, latîn Amerîka, Hindistan, welatên Katalonya, Îngîltere, Firansa, Kampa Maxmur û Şengalê, tevlî kampanya yê bûne hatine.
Zilan Diyar da xuyakirin ku dema ew xwe bigihînin hezar jinan ew ê kampanya Hezar Jin Yek Deng bi dawî bikin her kesek bi rêya adresa îmeîl ê( 1000women) dikare bi rengê govend, helbest, axaftin an jî bi strana tevlî kampanya yê bibe.
Gelek jinan di nama xwe de diyar kirin ku heta nefesa xwe ya dawiyê li ser fikir û felsefa Rêber Apo bimeşin.”Rêber Apo azadiya jinê esas girt û ji bo hemû jinên cîhanê bû hêvî”.
