Em Wekî Kongra Star Salvegera KJK’ê li Rêber Apo, jinên li her çar aliyê cîhanê di bin dirûşima Jin Jiyan Azadî de li ber xwe didin, jinên li serê çiyan şer dikin, ên di zîndanan de û tevahî jinan pîroz dikin.
Wekî ku em hemû dizanin KJK’ encama ked û hewildana Rêber Apo ya zêdetirî çil salî ye. KJK nêrîna, vîn û nasnameya jina azad û pêşenga konfederaliya demokratîk e. Bi rêya vê danaheva dîrokî ya sîstema Konfederal ve em bûn xwedî vîna azad û me dikarî bû em li hemberî vê sîstema baviksalarî li ber xwe bidin û îro xwe di vê astê de rêxistin bikin.
Bi saya vê rêxistinê îro jinên Kurd, ji jinên cîhanê re pêşengtiyê dikin, xwe kirin artêş, ji felsefeya Netewa Demokratîk re pêşengtiyê bikin. Bi rihê Bêrîvan, Zîlan, Arîn, Sara û Yusrayan ve ji jinên cîhanê re pêşengtiyê dikin. Di pêşengtiya felsefelsefeya jina azad de, ya bi KJK’ê re sîstembûyî jin dibin kirdeya jiyanê û dibin ayîdê xwe.
Berhema bi hezaran jinên ref bi ref berê xwe didan çiyan û ji bo azadiya xwe şer kirin, îro li deşt û bajêran gul vedide. Bi vê sîstemê, bîr û baweriyê ve li hemberî sîstema zilamê bûyî dewlet li ber xwe didin.
Ger em îro dikarin di nava vê sîstemê de, bi awayekî ji xwe bawer pêşngtiyê bikin, encama vê ked û danaheva zêdetirî çil salî ye.
Ev pratîka tekoşînê ya xwe dispêre xeta Rêberê mirovahiyê Abdullah Ocalan a ku dibêje; “Azadiya civakê bi azadiya jinê dibe.” û ev yek divê destpêkê di pêvajoya şoreşê de were pêkanîn. Jinên Kurd palpişta dîrokî û felsefî ya tekoşîna azadiyê li ser wê perspektîfê ava kirin.
Em ê jî li ser felsefeya Rêber Apo ya ku dibêje ;“bi jina kole, şoreş nabe” dest pê kiriye. Heta dawiyê bimeşin.
Em cardin di wê baweriyê de ne ku em ê bi sîstema KJK’ê ve, karibin di Rojhilata Navîn de guhertin û veguhertinê bidin çêkirin. Em ê xwe bi erdnîgariyê ve sînordar nehêlin, heta ku ji me were em ê li ser vê xeta ku bûyî danaheva dîrokî û nasnameya jina azad em ê bi awayekî serbilind lê xwedî derkevin. Em ê bi vê sîstema gerdûnî ve,kar û xebatên xwe jî gerdûnî bikin, heta ku jinek jî bê rêxistin nemîne, ji heremî ber bi gerdûnîbûnê ve, ji bo em karibin hîn pirtir piştgiriya jinên Afganîstan, Efrîn û bi hezaran jinên niha di bin dagirkeriya zilam de dinalin bikin û ji hêviyên wan re bibin bersiv, em ê bi înad li vê sîstemê xwedî derkevin û pêş bixin.
Di wê bîr û baweriyê de ne ku wê bi vê sîstema konfederalî ya ku di kesayeta jinên Kurd de bawerî, lêgerîn, hêza cewherî, birdozî, leşkerî, siyasî û civakî pêşxistî ve, sedsala 21. Wê bibe sedsala jinê û wê bi rengê jinê ji nû ve li ser van axên xweda û xwedewanda jiyana azad wê pêş bikeve. Ji bo ev pêkwere, ango sedsala 21’ê bibe sedsala jinê, em hîn pirtir li derdora Rêber Apo, mîmarê azadîya jin kom bibin, karibin xwe di bin desthilatdariya sîstema zilamsalarî ya 5 hezar salan rizgar bikin, dibêjin ku em ê wekî Kongra Star heta dawiyê li vê sîstemê xwedî derkevin û li ser vî bingehî, careke din salvegera KJK’ê li tevahî jinên azadîxwaz, Rêber Apo û şervanên azadîyê û jinên cîhanê pîroz dikin.
Meclisa Kongra Star
