Birûc Resûl/Qamişlo
Meclisa Malbatên Şehîdan a bajarê Qamişlo, têkildarî bêrêziya dewleta Tirk a dagirker a li hemberî goristana şehîdan a li bajarê Licê yê Bakurê Kurdistanê daxuyaniyek da.
Daxuyanî li Pakrewangeha Şehîd Delîl Saroxan ya li bajarê Qamişlo û bi tevlîbûne endamên Meclisa Malbatên Şehîdan, endamên TEV-DEM û Kongira Star hat dayîn. Daxuyanî bi silogana ‘Şerm ji dijminên mirovahiyê re, Azadî û rûmet ji bo hemû girtiyan û mezluman re, Şehîd Namirin û Azadî ji Rêber Abdullah Ocelan re’. Hat dayîn.
Di destpêka daxuyaniyê de hat diyarkirin ku mezarên cangoriyên azadiyê di pîvanên hemû pêkhateyên civakê, ol û mezheban de cihekî pîroze. Herwiha tevahiya destûr û zagonên cihanê, rêxistin û tevgerên demokratîk û azadîxwaz rêzgirtinê li gorstanên şehîdan dikin û wiha hat domandin: “Şehîdên ku jiyana xwe feda kirin ji bo ewlekarî û aştiya giştî ya hemî herêman, hêjaye ku em di hizûra wan de rawestin bi rêzdarî. Lê xwediyên dirûnên lawaz û faşîzim û şofînîzim hewl bidin ku pîrozbahiya şehîdan xirab bikin, bi taybet di roja dawî a miha Remrzanê û berya şahiya cejna Remezanê, dagirkeriya Tirk li hemberî gorstana şehîdan ya Licê bêrêziyeke mezin kir.”
‘Divê rêxistinên mirovî yên cîhanê bi erkê xwe rabin’
Di dawiya daxuyaniyê de wiha hat gotin: “Çeteyên AKP`ê bi kiryarên xwe yên qirêj ku bi navê gelê Tirk pêk tînin û desthilatdariyê bikar tînin, dixwazin bigawaziyên ji bo aştiyê têk bibin. Ev karên wan ê qirêj îsbat dike ku nefreta Erdogan û yên derdora wî dijî gelê Kûrd û doza kûrdî pir zêde bûye. Malbatên Şehîdan li herêma Licê li Bakûrê Kurdistanê matmayî man ku çawa gorên zarokên wan ên Şehîd hatine xirabkirin. Her wiha em wekî malbatên Şehîdan li Qamişlo bi tundî van kiryarên qirêj şermezar dikin. Em bang tevahiya rêxistinên mirovî yên cîhanê dikin ku bi erkê yê exlaqî rabin û dawî li kiryarên AKP`ê bînin.”
