Navenda Nûçeyan
Gelên Bakur û Rojhilatê Sûriyê bi beşdarbûna xwe ya girseyî di Kampaniya komkirina Îmzeyan de ku di 9’ê Sibatê de ji aliyê Însiyatîfa Gel a Bakur û Rojhilatê Sûriyeyê ve hatibû destpêkirin û di 4’ê Nîsanê de di Roja Rojbûna Rêber Apo bi dawî bû, peyam dan tevahî hêzên komploger ku ew ê ji bo azadiya fîzîkî ya Rêber Apo têkoşînê dewam bikin. Herwiha gel bi beşdarbûna xwe asta hezkirin, piştevanî û baweriya bi felsefeya Rêber Abdullah Ocalan nîşan da.
Di çarçoveya Pêngava Cîhanî ya ji bo azadiya fîzîkî ya Rêber Apo ku di 10’ê Cotmeha 2023’an de bi dirûşmeya “Ji Abdullah Ocalan re azadî, ji pirsgirêka kurd re çareseriya siyasî” li ser asta cîhanê hatibû destpêkirin û li tevahiya cîhanê deng veda.
Însiyatîfa Gel a Herêma Bakur û Rojhilatê Sûriyeyê 9’ê Sibatê de bi daxuyaniyekê ku li bajarê Qamişloyê hatibû dayîn, kampanyaya komkirina îmzeyan dabû destpêkirin. Di çarçoveya kampanyayê de li herêma Bakur û Rojhilatê Sûriyeyê, Heleb, Şam, Hema, Humis, Laziqiye, Sweyda, Quneytera, Selamiye û Tertûsê îmze hatin komkirin. Bi taybet gelên herêma Bakûr û Rojhilatê Sûriyê bi awayekî girseyî tevlî kampaniyê bûn û helwesta xwe anîn ziman.
Di 4’ê Nîsanê de Roja Rojbûna Rêber Abdullah Ocalan de kampaniya komkirina îmzeyan ya ji bo azadiya wî ya fîzîkî bi dawî bû.
Însiyatîfa Gel a Herêma Bakur û Rojhilatê Sûriyeyê, di 8’ê Nîsanê de bi daxuyaniyekê encamên kampanya komkirina Îmzeyan aşkera kirin.
Li gorî Insiyatêfa Gel a Herêma Bakur û Rojhilatê Sûriyê encamên kampaniya komkirina îmzeyan wiha ne:
Minbic: 711,180
Reqa: 701,845
Qamişlo: 625,343
Hesekê: 603,800
Dêrezor: 337,70
Tebqa: 281,332
Firat: 134,570
Heleb: 103,857
Efrîn û Şehba: 51,212
Hundirê Sûriyeyê: Şam, Heleb, Laziqiye, Suweyda, Quneytera, Selamiye, Tertûs, Hama, Hums: 6,243
Koçberên Kurd li Lubnanê: 12.000
Hêzên Parastina Civakê: 100.000
Hejmara giştî ya îmzeyên kampanyayê: 3 669 090
Kampaniya komkirina Îmzeyan ku di 9’ê Sibatê de hatibû destpêkirin, li herêmên Bakur û Rojhilatê Sûriyeyê bi awayekî berfireh dest pê kir û belavî bajarên din wekî Şam, Heleb, Selemiyê, Humis, Hema, Siwêda, Laziqiyê û Quneytîra bûn. Hate diyarkirin ku berfirehbûna kampanyayê asta girêdana tevahî, netewe, mezheb û beşên civakê bi fikr û felsefeya Rêber Abdullah Ocalan îsbat dike û hate gotin: “Felsefeya Rêber Abdullah Ocalan, aloziya Sûriyeyê jî di nav de ji tevahî doz û pirsgirêkên bi girêk ên asêmayî yên li Rojhilata Navîn re zemîna çareseriyê ye.”
Gelên Bakur û Rojhilatê Sûriyê bi beşdarbûna xwe ya girseyî de di kampaniya imzeyan de îmzeyên de , peyam dan tevahî hêzên komploger ku ewê ji bo azadiya Rêber Apo têkoşînê dewam bikin. Her wiha hate diyarkirin ku ev peyam di heman demê de asta hezkirin, piştevanî, baweriya bi felsefeya Rêber Ocalan û israra gel a ji bo pêkanîna azadiya Rêber Ocalan nîşan dide.
Di demên pêş de wê encamên Kampaniya Komkirina Îmzeyan ji bo Konseya Yekitiya Ewropayê û hemû rêxistin û saziyên mafên mirovan ên pêwendîdar ên navneteweyî bê şandin.
