Di bin dirûşmeya`Bi rihê şehîdan emê şoreşa çandê pêk bînin û azadiya fîzîkî ya Rêber APO misoger bikin` 4 emîn festîvala Amara ji aliyê Desteya Ciwan û Werzîşê û Tevgera Ciwanên Şoreşger ya Kantona Efrîn û Şehbayê tê lidarxistin.
Zana Roj/ Şehba
Di 7 û 8’ê Nîsanê de li herêma Şehbayê ji aliyê Desteya Ciwan û Werzîşê û Tevgera Ciwanên Şoreşger a Kantona Efrîn û Şehbayê 4’emîn festîvala huner û sporê tê li dar xistin. Festîvala Amara ji aliyê Ciwanên Efrîn û Şehbayê ve ji 4 salan tê rêxistin kirin.
Festîvala Amara her sal bi pêşketin û guhrtinên zengîntir tê lidarxistin. Festîvala Amara ya 4’emîn bi boneya pîrozkirina rojbûna Rêbertî hat rêxistin kirin û ciwanên Helebê jî cihê xwe di festîvalê de digrin.
Festîvala Amara ya 4’emîn wê 2 rojan berdewam bike. Roja yekemîn weke roja çalakiyên sporî hatiye veqetandin. Di vê rojê de hemû soprvanên ciwan û jinên ciwan wê bi lîstik, taxim û rengê xwe tevlî festîvalê bibin. Her wiha roja 2 yemîn weke rojeke hunerî bi tevlîbûn û beşdarbûna giropên hunerî yên ciwanan wê were destpêkirin û bi xilatkirina hemû giropan wê bi dawî bibe.
Roja yekemîn a festîvalê
Di roja yekemîn ji festîvalê de tavahî ciwanên herêmê beşdar bûn. Festival li ser Lîstikgeha football a Babinêsê hat li darxtin. Bernameya festîvalê di destpêkê de bi deqeyek rêzgirtinê hat vekirin her wiha axaftina destpêkê ji aliyê Endamê Meclîsa werzîşê ya Kantona Efrîn û Şehbayê Keptên Mihemed Elî Mihemed ve hat kirin, û piştî wê dest bi bernameya werzîşê ya festîvalê hat kirin.
Derbarê roja yekemîn ya festîvala Amara û werzîşê de keptin Mihemed Elî Mihemed ji rojnameya me re axivî.
`Amara ji bo me zayîneke nû ye`
Keptên Mihemed di destpêkê de ev festival li Rêber Apo û hemû ciwanan pîroz kir û wiha pê de çû: “Festîvala Amara di asta yekemîn de ji bo Rêber Apo hatiye amedekirin ji lewra me navê festîvalê navê gundê Rêbertî lêkir. Amara ji bo gelê Kurd û gelên azadîxwaz bû zayîneke nû ya azadiyê. Îsal jî bi boneya 4’ê Nîsanê em dest bi 4’emîn Festîvala Amara dikin”.
`Rihê hatiye pêşxistin wê bibe misogeriya serkeftina festîvalê`
Mihemed wiha axaftina xwe berdewam kir: “Roja yekemîn bi lîstukên werzîşî hat destpêkirin, di vê rojê de hemû tîm û lîstukên werzîşê yên weke Football, Volayboll, lîstuka kişandina werîs, şatranc û gelek lîstukên tekane wê werin lîstin. Di van lîstukan de Ciwan û jinên ciwan cihê xwe digrin. Di heman demê de em dixwazin bi riya sporê îsbat bikin ku ciwan û jinên ciwan dikarin xwe di hemû aliyên jiyanê de pêş bixin. Spor jî yek ji lingên bingehîn yê pêşxistina hêz û enerjiya ciwana ye. Çawa ku me dît jinên ciwan û ciwanên me bi hezkirin û îradeya xwe tevlî sporê dibin, em bi hêvî ne ku ev rih bibe misogeriya serkeftina festîvala Amara”.
