Ronaz Silêman/Qamişlo
Welatiyên bajarê Qamişlo diyar kirin ku ji ber buhaya nerxên cil û şekirê cejnê ew zehmetiyan dibînin. Herwiha firoşkaran jî dan zanîn ku rêjeya kirîna hazirtiyên cejnê li beramberî salên bûrî pir kêm bûye û wiha gotin; Cejna Remezanê Çandeke û ev çand di nava xweşî û nexweşî de jî tê pîrozkirin.
Her sal piştî bidawîbûna meha mûbarek ya Remezanê cejna Remezanê tê pîrozkirin. Lewra bi hatina cejna Remezanê mislmanên Bakur û Rojhilatê Sûriyê ji bo pêşwazîkirina wê amadekariyên xwe dikin, herwiha hazirtiyên bingehîn yên cejna Remezanên kirîna cilên nû û şîraniyê ye, di heman demê de çêkirina sewikan e. Lê weke ku tê zanîn rewşeke aborî ya zor û zehmet tê jîn, ew jî sedema kêmbûna lêreya Sûrî li hemberî nirxê dolarê Amerîkiye, ji ber vê yekê buhayê çil û şêraniyê zêde bilind bûye û bi qutkirina elektirîkê jî çanda çêkirina sewikan jî kêm bûye, lewra welatî di kirîna çil û şêraniyê de zehmetiyan dibînin. Herwiha welatiyên bajarê Qamişlo jî ji bo amadekariyên cejna Remezanê, berî cejnê berê xwe didin bazara bajêr û li gorî derfetên xwe yên madî hazirtiya xwe dikin.
Derbarê hazirtiyên cejna Remazanê, welatî û firoşkarên bajarê Qamişlo ji me re axivîn.
Welatiya bi navê Civîn Ehmed diyar kir ku ji bo pêşwazîkirina cejna Remezanê ew zehmetiyên
buhayên kel û pelan dikşînin û wiha got: “Cejna Remezanê weke her cejnên din tê pîrozkirin, ji ber ku ew çandeke di nava mirovên misliman de ye. Beriya cejnê bi çend rojan em berê xwe didin bazarê û pêwîstiyên ji bo cejnê dikirin, lê mixabin îsal cil û sîraniyê cejnê pir buhaye ne her malbat dikare pêdiviyên cejnê bi vê buhabûnê bikire. Herwiha ji bilî kirîna cilên nû û sîraniyê, sewik jî me li malê bi destên xwe çê dikirn, lê ew çend salin elektirîk kêm dihat û îsal yek car tuneye û hêza me ya madî tuneye ku em yên hazir û çêkirî bikirin, lewra ev yek kêfxweşiya cejnê henekî di dilê me de kêm dike, lê cejn bi her awayî tê pîrozkirin, ji xwe pîrozkirina herî xweş jî kombûna malbatan û hevalan bi hev re ye. Hêviya me ew e kêfxweşiya cejnê mîna berê vegere.”
‘Rewişa aborî xerab e’
Firoşkarê cilan yê bi navê Merwan Dawid derbarê tevgera welatiyan de ji bo kirîna cilan wiha anî
ziman: “Di vê dema niha de li gorî ku em dibînin kesên ku ne neçar be berê xwe nadin bazarê, ji ber gel hejare rewiş xerabe. Ev nêzî 15 salan ez cilan difroşim, di van 15 salan de gelek cûdahî di tevgera welatiyan ji bo kirîna cilan di cejna Remezanê de heye, sala bi sal kêmbûn çêdibe, di salên derbasîbûyî de nêzî 5 kesan di dikanê de kar dikirin û derengî şevê bazar dihat girtin, lê niha dibe seat 5 ez dikana xwe digirin û diçim malê ji ber tevgera gel gelekî kêm e. Hêviya me rewişa Bakur û Rojhilatê Sûriyê xweş bibe, kirîz, şer û aloziyên li ser tên meşandin rawistin, wê demê wê kêfxweşiya roj û cejnan vegerin.”
‘Hêviya bi kêf û xweşî bê astengî cejin bê pêşwazî kirin’
Di heman mijarê de firoşkarên şekiran Alaa Hesen û Ednan Hewara derbarên cûdahiya nirxên şekir di navbera sal derbasbûyî û îsal de wiha gotin: “Her kes kêfxweşe û bi hêviya hatina cejna Remezanê ye, lê cûdahiyeke mezin di navbera îsal û sala derbasbûyî de heye, ji ber şekirê ku di sala bûrî de bi 40 hezarî bû niha bûye 65 hezar ne, welatî bi van nirxan matmayî mane. Di dawiyê de em Cejna Remezanê li tevaya Mislmanên Herêma Bakur û Rojhilatê Sûriyê û hemû cîhanê pîroz dikin û bi hêvî ne ku cejinên werin, welatiyên Bakur û Rojhilatê S
ûriyê bi kêf û xweşî bê astengî pêşwazî bikin.”