Hemza Sêvo/ Qamişlo
Hevseroka Partiya Sûriya Pêşerojê Kewser Doko da zanîn ku kongreya 4’an a Partiya Pêşerojê xwedî girîngiyeke taybet bû û wiha got: “Kongireya 4‘an guherînên girêng bi xwe re anîn, weke pijarandina sîstema hevserokatiyê, herwiha gelek biryar ji bo çareserkirina kirîza Sûriyê hatin sitandin yek ji wan jî tekezkrina girîngiya diyaloga sûrî-sûrî û hewldana qebûlkirina Rêbeberiya Xweser.“
Partiya Sûriyê ya Pêşerojê yek ji partiyên siyasî ye ku di 27’ê Adara 2018’an de bi kongrekê di bin durşmeya ‘Sûryeke demokrat, pirreng û nenavendî’ de li kantona Reqayê hate damezrandin. Kongra danmezrandinê bi hilbijartina Meclîsa Giştî ya partiyê ku ji 81 endaman pêk dihat, bi dawî bû. Di encama wê kongrê de Îbrahîm Elqeftan ji bo serokatiya partiyê û Hevrîn Xelef jî ji bo sikirtêra Giştî ya Partiya Sûriyê ya Pêşerojê, hatin hilbijartin.
Partiya Sûriya Pêşerojê êdî bi armanca pêkanîna Sûreyeke demokrat, pirreng û tê de mafê hemû pêkhateyên Sûriyê parastî be û bi hevbeş bijîn, xebateke siyasî da meşandin.
Navend û nivîsgehên vê partiyê li her 7 kanton û bajarên herêma Bakur û Rojhilatê Sûriyê bi awayekî fermî hene. Li aliyekî din jî bi awayekî veşartî xebateke siyasî li herêmên di bin kontrola hikumeta Şamê de dide meşandin. Li gor wê jî bi destpêka sala 2024’an re Partiya Sûriyê ya Pêşerojê dest bi lidarxistina kogreyên xwe yên meclisên her kanton û bajaran, kir.
Herî dawî kongira partiyê ya çarem di 27’ê Adarê de li kantona Reqayê bi amadebûna hemû endamên partiyê, nûnerên Rêveberiya Xweser, partiyên siyasî yên Bakur û Rojhilatê Sûriyê û bi
beşdarbûna hemû pêkhateyên Sûriyê, li dar xist. Di encama vê kongreyê de weke yekem car, ji bo hevserokatiya partiyê Kewser Doko û Ebd Hamd Elmihbaş hatin hilbijartin. Herwiha Xaliya Elkecwan weke berdevka Giştî ya Meclisa Jinê hat pejirandin. Di heman demê de ji bo hevserokatiya Meclisa Ciwanan, Izab Elcerîr û Ehmed Elcemîlî hatin hilbijartin. Li aliyekî din jî 138 kes weke endamên Meclisa Giştî ya Patiya Sûriya Pêşerojê hatin hilbijartin.
Têkildarî lidarxistina kongreya 4’an a Partiya Sûriya Pêşerojê û encamên wê, hevseroka partiyê Kewser Doko ji Rojnameya me re axivî.
Lidarxistina 4’emîn kongreya partiyê
Kewser Doko, têkidarî li darxistina kongra Partiya Sûriya Pêşerojê wiha dest nîşan kir: “Di destpêkê de em kongra 4’an li tevahiya gelên Sûriyê pîroz dikin. Em dizanin ku di nava 6 salan de kongreyê me yê 4’an bi rengekî demokratî di bin durşmeya ‘Partiya me pêşeroja me ye, Rêveberiya me misogeriya me ye, hêzên me serkeftina me ne û serkeftina me ye û Sûriye me dike yek, de li dar xist. Ev kongre di demeke pir hestiyar de hate lidarxistin, ji ber ku herêma Bakur û Rojhilatê Sûriyê di bin gefên dewleta Tirk a dagirker de ye, hertim jî rastî êrişan tê. Ji bo ku em ji bîr nekin, ev bû zêdeyî 13 salan ku aloziya Sûriyê didome û her ku diçe rewş aloztir dibe, lê dîsa bi awayekî serkeftî pêk hat. Em tekez dikin ku partiya me partiyeke sûrî ye û hemû gelên Sûriyê digre nava xwe. Kongreya 4’an, xwedî xweşbûnekê bû, ji ber ku hemû pêkhate, ji hemû ol û bawerî, herwiha rûsipiyên ku nûnernertiya herêmên xwe dikin amade bûn.
Encam û biryarên kongreyê
Kewser girêdayî encam û biryarên ku di kongreyê de hatin dayîn wiha got: “Di vê kongreya 4’an de piştî nîqanş û danûstandinên berfireh hin biryar hatin sitandin û encam jî diyar bûn. Yek ji van encam û biryarên kongran me ew bû ku herêmên dagirkirî yên Sûriyê tev vegerin ji gelên Sûriyê re bi taybet bidawîkirina dagirkeriya Tirk. Xurtkirina hişmendiya parastina rewa û piştgiriya QSD. Herwiha xebat li ser mijara vegera kesên winda yên ku çarenivîsa wan ne diyar e. Kongreyê tekez kir ku divê dosyaya şehîd Hevrîn Xelef were vekirin, şehadeta wê weke sûcekî şer e û pêwîste berpirsên wê kiryara hovane, werin cezakirin. Di heman demê de em hertim dibêjin ku Partiya Sûriyê ya Pêşerojê partiyeke sûrî ye, bidawîkirina aloziya Sûriyê û çarserkirina pirsgirêkên gelên Sûriyê ji biryarên kongreyê yên herî serek bû. Li aliyekî din aktîvkirina rola jin û ciwanan di nav kar û xebatên partiyê de jî ji encamên kongreyê bûn.”
Guherînên nû û xebata siyasî ji bo dema pêş
Hevseroka Partiya Sûriyê ya Pêşerojê Kewser Doko di derbarê guherînên ku di kongreyê de pêk hatin û xebata dema dema pêş wiha axivî: “Kongreya 4’an hin guherîn bi xwe re anîn, ji van guherînên sereke ew bû ku kongreya 4’an û xebata Partiya Sûriyê ya Pêşerojê li ser sîstema Hevpeymana Civakî bimeşe. Hêjayî gotinê ye jî ku Hevpeymana Civakî weke destûra paşeroja Sûriyê tê dîtin. Guherîna din jî pejirandina sîstema hevserokatiyê weke yekem car bû. Bi rastî di van demên borî de xebata jinê di nav partiyê de gelek berbiçav bû ji ber wê jî jin divabû cihê xwe di karê rêbebirinê de bigire. Li aliyekî din li ser hin xalan hat tekezkirin ku wê di dema pêş de xebat li ser werin kirin. Yek ji van xalan jî hewldana qebûlkirina Rêveberiya Xweseriya Demokratîk e. Sedem jî ew e ji ber ku Rêveberiya Xweser projeyeke demokratîk e û riya bingehîn ji bo çareserkirina aloziya Sûriyê tê dîtin. Herwiha Xebat ji bo rawestandina şer û bidestxistina aştiya mayinde bi riya diyaloga sûrî-sûrî ji bo pedyakirina çareseriyeke siyasî di navbera hemû aliyên sûrî de. Ev yek jî li gorî biryara 2254 ya Netewên Yekbûyî be.”