Ronaz Silêman/Qamişlo
Bi sedan şêniyên bajarê Qamişlo tevlî merasîmên şehîd Sorxwîn Celal û Arîn Kobanê ku li goristana Şehîd Delîl Sarûxan a bajarê Qamişlo hat li darxistin bûn û soza şopandina riya şehîdên azadiyê domandin.
Îro bi sedan şêneyên bajarê Qamişlo şehîdên Yekîneyên Parastin Jin (YPJ) Sorxwîn Celal û Arîn Kobanê yên ku di encama êrişa balafirên bê mirov ên dewleta Tirk a dagirker de li bajarê Kobanê Şehîd bûn bi merasîmekî girseyî hatin oxirkirin.
Merasîm bi deqeyeke rêzgirtinê li ser giyanê şehîdan dest pê kir. Pişt re li ser navê Meclisa Malbatên Şehîdan Şemsêxan Gilo axivî û wiha got: “Şehîd Sorxwîn Celal û Arîn Kobanê bi ruhekî fedayî ji bo gelê xwe têkoşîn didan meşandin û tu sînor nas nedikirin.”
Piştre li ser navê Yekîneyên Parastina Jin (YPJ)Berfîn Kobanê diyar kir ku hêza jin bi balafir û êrişên dewleta Tirk a dagirker de têk naçe û wiha got: “Hevalên me Sorxwîn û Arîn bi hêz û baweriyeke mezin ji bo parastina welatên xwe xebat dikirin, herwiha heval Sorxwîn gazîbûna xwe nekirin asten li hemberî berxwedana xwe û bi lehengî li hemberî dijmin radiwestiya.” Herwiha bi navê Kongra Islama Demokrat şêx Omer Hemîd sersaxî ji malbatên şehîdan xwest û got: “Em bejna xwe li hemberî şehîdên rûmetê ditewînin û em ê riya rastiyê ya ku wan nîşanî me daye em ê bişopînin.”Di heman demê de wesîqeya şehîd Sorxwîn radestî malbatê hat kirin û dengê Şehîd Sorxwîn hat guhdarkirin.
Herî dawî bi nîşana serkeftinê û tilîliyên dayikan şehîd Sorxwîn Celal sipartin axê û wê şehîd Arîn Kobanê li bajarê Dêrikê bê sipartin.
