Birûc Resûl/Qamişlo
Bi boneya 75’emîn rojbûna Rêberê Gelê Kurd Abdullah Ocalan, pîrozbahî li baxçeya Azadî ya bajarê Qamişlo bi girseyê hat li darxistin. Ji qadan banga şikandina tecrîda li ser Rêberê Gelê Kurd Abdullah Ocalan û bilindkirina têkoşîna ji bo azadiya wî ya fizîkî hat kirin.
Bi boneya roja rojbûna Rêberê gelê Kurd Abdullah Ocalan 4’ê Nîsanê, bi pêşengtiya Kongra Star şahiyeke girseyî bi dirûşma “Ji Rêber Apo re Azadî, Ji
Pirsgirêkên Kurd re çareserî” li bexçeya Azadî ya li bajarê Qamişlo girsaya gel vî rojê wekî roja vejîn û azadiyê tê dîtin, pîrozkirin.
Di şahiyê de bi sedan welatiyên Qamişlo, Rêveberiya Xweser, TEV-DEM, partiyên siyasî, Yekitiya Jinên Ciwan û Tevgera Ciwanên Şoreşger, Meclisa Malbatên Şehîdan û hwd. bi cil û bergên xwe yên gelêrî amade bûn.
Qada şahiyê bi wêneyên Rêber Abdullah Ocalan û bi alên kesik sor û zer hatibû xemilandin.
Şahiyê bi deqeyek rêzgirtin li ser giyanên şehîdên şoreşê hat dest pê kirin.
Piştre bênavber dirûşmên ku rojbûna Rêber Ocalan pîroz dikin û 11’emîn salvegera damezrandina YPJ’ê silav dikin hatin berzkirin. Paşê li ser navê Kongire Star Gulîstan Gilo axivî û wiha got: “Heger îroj weke jin em rabûne ser piyan û dibêjin “jin, jiyan, azadî”, ev yek xwe dispêre têkoşîna Rêber Apo. Ger ku em îro wek pêkhateyên herêmê bi hev re rojbûna Rêber Apo pîroz dikin, ev yek jî bi saya bîrdoziya serokatiyê ye. Ji ber vê divê ku em di sala nû de, bikaribin têkoşîneke mezintir bidin ji bo şikandina tecrîda li Îmraliyê. Em her kes deyndarên keda Rêber Apo ne, bi taybetî jî weke jin divê ku em ranewestin.
Piştre bernameya hunerî bi hunermend Nisrîn Botan, koma pale, koma şehîd welat a govendê, koma Sakîne ya muzîkê, koma şehîd Botan û hunermend Esed Zekî û Mihemed Kakilo destpê kir. Di dawiya şahiyê de gel xelekên govendê gerandin û bi berzkirina dirûşmên “Bê serok jiyan nabe” bi dawî bû.
Hêjayê gotinê zêrîn Hesaf ciwaneka ku di nava tevgera ciwanê şorerşger de cihê xwe digirt, bi vê boneya pîroz soza tevlîbûne xwe di şoreşa azadiyê de da.