Amara Baran/ Qamişlo
Rêxistina Stêrk a Parastina Mafê Zarokan bi tevkariya Rêxistina Nûdem a Astengdaran bi boneya 4’ê Nîsanê şahiyek ji bo zarokan li bajarê Qamişlo li dar xistin û di vê şahiyê de dar ji aliyê zarokan ve hatin çandin.
Wekî tê tê zanîn çandina daran weke merasîmeke bingehîn li ser fikr û felsefeya Netewa Demokratîk di vê rojê de tê kirin.
Lewma îro bi boneya 4’ê Nîsanê Rêxistina Stêrk a Parastina Mafê Zarokan bi tevkariya Rêxistina Nûdem a Astengdaran li navenda xwe ya taxa Kornîş a Qamişlo şahiyek ji bo zarokan û zarokên astengdar li dar xist.
Berdevka Rêxistina Stêrk Jûlya Xelo di serî de bi xêrhatina hemû kesên amade kir û wiha got: “Bi boneya 4’ê Nîsanê armanca me ji lidarxistina vê şahiyê ji bo zarokan û zarokên astengdar ew e ku komkirina zarokan li gel hev e. Heriwha ji bo ku zarok di nav civakê de tekîliyên xurt bidin avakirin û rojên xweş derbas bikin. ”
Piştre jî hejmareke ji daran ji aliyê hemû zarokên beşdar, Rêxistina Nûdem û Sitêrk ve li Navenda Rexistina Nûdem hatin çandin.
Di dawiya şahiyê de Rexistina Stêrk diyarî li hemû zarokan belav kir.