Lîloz Hisên/ Qamişlo
Ji bo piştgiriya gelê kurd li Bakurê Kurdistanê di hilbijartinên şaredariyan de Însyatîfa Gel li bajarê Qamişlo meşek li dar xist.
Bi armanca piştgiriya gelê Bakurê Kurdistanê ji bo hilbijartinên herêmî û şeremezarkirina binpêkirinên AKP’ê li dijî gelê kurd, Însyatîfa Gel li bajarê Qamişlo meşek li dar xist.
Bi sedan ji şêniyên bajarê Qamişlo tevlî meşê bûn, di meşê de drûşmeyên “Bijî berwxedana Bakur, Bijî berxwedana Wanê” berz kirin. Meş ji çerxerêya Sonî dest pê kir û li pêşiya Şaredariya Gel ya bajarê Qamişlo sekinî, beşdarên li meşê deqeyeke rêzgitinê sekinîn ji bo giyanê şehîdên azadiyê û rûmetê, piştre bi navê Şaredariya Gel a Qamişlo hevseroka şaredariyê Emel Şemdîn axivî.
Hevseroka Şaredariya Qamişlo Emel Şemdîn di destpêka axaftina xwe de serkeftina gelê Bakurê Kurdistanê di hilbijartinên şaredariyan de pîroz kir û got: “Em jî bi wan re serkeftinê jiyan dikin û xwena me yeke ku em bi demokrasî, azadî û edalet jiyan bikin.”
Hevseroka Şaredariya Qamişlo Emel Şemdîn wiha dewam kir: “Dewleta Tirk li ser tunebûn û talankirina gelan xwe ava dike û bû sedema kûrkirina aloziya Sûriyeyê Gelek kiryar der heqê gelê herêma Bakur û Rojhilatê Sûriyeyê pêk anî, ji hêla aborî, leşkerê û siyasî bi armanca xetimandin û tunekirina Rêveberiya Xweser.
Ji bo hilbijartinên şaredariyan li Bakurê Kurdistanê hevseroka şaredariya Qamişlo Emel Şemdîn wiha got: “Tevî astengî û binpêkirinên dewleta Tirk ku di hilbijartinan de dikirin lê serkeftin a gelê kurd û partiya DEM bû, herwiha helwesta gelê Bakurê Kurdistanê diyar bû ji bo avakirina demokrasiyê û edaltê.
Di dawiya axaftina xwe de hevseroka şaredariya Qamişlo Emel Şemdîn bêdengiya navdewletî û rêxistinên mafê mirovan şermezar kir û bang li wan kir ku erkê xwe yên exlaqî û mirovî bi cih bînin