Lîloz Hisên/ Qamişlo
Endama Komîteya Ekolojîk a Kongra Star Mîdiya Yûsif diyar kir ku Rêber Apo yekem mirove felsefeya Azadiya jinê û parastina xwezayê derxist holê û di pratîkî de jî destkeftiyên pir girîng ji bo civakêafirand, lewma azadiya Reber Apo azadiya jin, civak û xwezayê ye.
Platforma Jin a Ekoloji ya Rojava ji bo tevlîbûna pêngava “Ji Rêber Apo re azadî , ji pirsgirêka kurd re çareserî”, herwiha li dijî qetilkirina jinan û talankirina xwezayê jî, li ser asta kantona Cizîrê kampaniyaya çandina daran da destpêkirin.
Derbarê kamopaniya çandina daran de, Enadama Komîteya Ekolojîk a Kongra Star Mîdiya Yûsif ji rojnameya me re axivî.
Mîdiya Yûsif di destpêka axaftina xwe de wiha got: “Her sal em kampaniya li dijî çolbûnê daristanan li dar dixin, di heman demê de jî îsal me di dîroka 9’ê Çileya 2024’an de di çarçoveya tevlêbûna pêngava “Ji Rêber Apo re azadî, pirsgrêka kurd re çareserî” ev kampanî da destpêkirin. Drûşmeya sereke ya kampanya me”Ji bo hebûna xwe li hember qirkirina jin û xwezayê li ber xwe bidin û xwe bigihînin azadiyê!” bû.
Enadama Komîteya Ekolojîk a Kongra Star Mîdiya Yûsif wiha pê de çû: “Weke Platforma Jin a Ekolojîk ya Rojava me ev kampaniya ji bo jinên ku hatine qetilkirin û xwezaya ku li her derê cîhanê (li Parîs, Hîndîstan, Îran, Rojava û hwd.) hat talankirin û xerakirin pêk anî. Di heman pêvajoyê de jin û xweza rastî koletiyê tên,
xweza jî weke jinan bê can û bê ruh hat îlan kirin. Jîndar nedihat hesibandin. Weke felsefeya kuantûmê pêş neketin ku ji bilî mirovan her tişt bê ruh û madî dihat dîtin. Lêbelê, di civakên yekem de, perspektîfa anîmîst her tişt zindî dît.”
Mîdiya Yûsif di gotinên xwe de wiha bibîr xist: “Di du sedsalên dawî yên kapîtalîzmê de qetlîamên xwezayê du qat zêde bûne, gihiştine lûtkeyê. Niha herkes jin û xwezayê weke madeke qirkirinê dibîne. Kampanyaya me pêşî li berevajîkirina vê perspektîfê ye herwiha hewil dide fikir, felsefe û perspektîfa Reber Apo a ji bo azadiya jin û xwezayê bi taybetî di vê sedsalê belav bike. Ji ber ku di dîrokê de gelek feylesof û Rêber bi nêrîneke cîhana madî nêzî jin û xwezayê bûne.”
Enadama Komîteya Ekolojîk a Kongra Star Mîdiya Yûsif di gotinên xwe de îşaret bi vê yekê kir: “Reber Apo cara yekem hem felsefeya azadiyê ya jinê hem jî xwezayê diparêze û di pratîkê de derdixe pêş. Lewma azadiya Reber Apo azadiya jin û xwezayê ye. Bi gotineke din, em dixwazin perspektîfa feraseta desthilatdariya baviksalarî-dewletparêz a ku di bingehê nêzîkatiyên çewt ên ji bo çareseriya pirsgirêkên ekolojîk û her wiha pirsgirêka azadiya jinê de, ji holê rakin. Ev kampanya di vî warî de ji bo Rojava bû destpêkek.”
Mîdiya Yûsif wiha da zanîn: “Em dixwazin li Rojava civakeke bi xwezayê re lihevhatî ava bikin û perspektîfa wê pêş bixin. Ji bo vejîna xwezaya ku qada me ya jiyanê ye û keskkirina Rojavayê, li dijî çolbûna pergala baviksalarî ya desthilatdar-dewletparêz, hemû jinên Rojavayê bi armanca parastina av û axa xwe bi destên xwe şitlên daran amade kirin. Îro her jinek li Rojava welatê xwe bi amadekirina şitlek li hemberî darên zeytûnê Efrîn û daristanên Şırnak-Cudi yên hatine qetilkirin diparêze û bi keda xwe diafirîne.”
Enadama Komîteya Ekolojîk a Kongra Star Mîdiya Yûsif got ku di 4`ê Nîsanê de ev kampaniya bê qedandin û wiha domand: Herwiha nêzî hezar dar wê bên çandin û dema kampanya bi dawî bibe wê daxuyaniyek bê dayîn.
Mîdiya Yûsif diyar kir ku çandina daran giringiyeke mezine dide bejahiyê û wiha gotinên xwe bi dawî kir: ” Gelek sûd tê girtin ji çandina daran jî rê li ber qirêjiya avê digire dihêle av paqijtir bibe, ji ber vê yekê çandina daran û çêkirina daristanan di hewza golên bendavan de xwedî girîngiyeke mezin e wekî din jî ji bo pêşîgirtina li karesatên wekî lehiyê dibin alîkar, guherîna demsalan bi zelalî nîşanî me didin, ava ku ji axê distînin bi şiklê nemê ji pelên xwe berdidin hewayê. Bi vî rengî, ew beşdarî çerxa avê dibin û hewayê şil dikin û dibe ku di pêşîlêgirtina penceşêrê de bibin alîkar; Ji ber ku hucreyên kujer ên xwezayî bi veşartina proteînên antîpenceşêrê dikarin hucreyên tumorê bikujin û şûştina daristanê pergala meya parastinê xurt dike.”