Rustem Jiyan
Dikare bê gotin ku Newroz ji bona gelê Kurd rojeke gelek pîroz û di heman demê de roja qehremaniyê ye. Heya mirov dikare bêje Roja ku împaratoriya Med di nav agirê berxwedana Kawayê Hesinkar de şewq vedaye. Her kes çîroka Newrozê cûda dinase, lê hemû jî biagir ve girêdayîne. Ew agirê Kawayê Hesinkar pêxistiye û di sala 1982’an vê carê agirê berxwedanê di zindana Amedê de bi îradeyek xurt Şehîd Mazlûm Doxan geş û gur kiriye. Çalakiya Heval Mazlûm bandorek gelek mezin dike û têkoşîna wê ya bêhempa li her derî dibe mînak.
Her wiha Heval Mazlûm dibistanê berdide û tevlî têkoşîna azadiyê dibe. Di nav têkoşînê de û bi çalakiyên cûr be cûr cîh digre. Di sala 1979’an de dema dixwaze ji Riha derbasî Qoserê bibe, li Wêranşarê tê girtin û dijmin Heval Mazlûm dibe zindana li Amedê. Heval Mazlûm bi ruhê şerê Alîşêr û Zarîfeyan û bi yekbûyina ruhê berxwedêr yê Şeyîd Riza’yan li hemberî dewleta faşist û qirker bi berxwedaniyek bêhempa û xurt sekinî, ti caran teslîmiyetê qebûl nake.
Kesayeta Heval Mazlûm kesayetekî çalakvan bû, ji hemû hevalên xwe re zanîstî belav dikir, ji ber ku xwedî kesayetek lêkolîner bû. Bi terz û sekna xwe derdora xwe birêxistin dikir û pêşengtî dikir. Sekna Heval Mazlûm li beramberî zihniyeta dewletê pîvanek berxwedaniyê diyar dikir, ruxmê ku di nav zindanê de bi her awayî zext û işkenceyê re rû bi rû dimîne jî, her hevalên xwe perwerde dike û tu carî ji zextên Esat Oktay Yildiran natirse. Bêdeng bûyinê ti carî qebûl nake, bi felsefeya “Ji bo wî tarîtiyê ronahiyek pêwîste” tevdigere û tevlî jiyanê dibe. Her roj xwe xurtir dike, bi xwesteka destpêkirina greva birçîbûnê dike û li hemberî dewleta qirker disekine. Lê belê heman demî roj bi roj sebra Heval Mazlûm jî li hemberî wê pergala faşîst û qirker kêmtir dibe.
Gelê me, jin û ciwanên Kurdistanê yên ku xwe bi ruhê Newrozê xemilandine, berxwedana xwe ya bêhempa nîşanî dost û dijmin didin ku şopdarên meşa azadiyê ya mezin in ku Mazlûm Doganan daye destpêkirin. Bi şiyara azadiya fîzîkî ya Rêber Apo, Kurdistana azad û Jin Jiyan Azadî nexşerêya sedsalê diyar dike. Ev serhildana ku ji hemû qadan bilind dibe rêya bingehîn a veguheztina mezin diyar dike. Gerîlayên HPG û YJA Starê ku sala 2024’an bi ruhê Newrozê pêşwazî dikin, bi şerê mezin ê li çiyayên Kurdistanê didin asta xwe ya serkeftinê diyar dikin. Şerê gerîla yê ku bi pêngavên serkeftî dijmin wêran dike û êrîşên dagirkeriyê pûç dike, li tevahiya Kurdistanê, herêmê û cîhanê belav dibe û pêvajoyê diyar dike.
Gerîlayên modernîteya demokratîk ku dibe mîna Newrozê, bi îdiaya mezin a têkoşînê ber bi qonaxeke nû ve diçe, bi têkbirina dagirkeran û bi destkeftiyên nû mizgîniya serkeftinê dide. Jinên Kurd ên bi pêşengiya Zekiye, Rahşan, Sema, Ronahî û Bêrîvanan Newrozê pîroz dikin li her qadê, li herî pêş pêşengiya têkoşînê dikin. Rêbertî û têkoşîna jinan di şer, siyaset û veguherîna civakî de serdemeke nû vedike. Rastiya ku hişmendiya serdest a mêr herî zêde jê ditirse, bilindbûna têkoşîna civakî ya ku jin pêşengtiya wê dikin. Dema ku rastiya gelê Kurd a pîrozkirina Newrozê hişmendiya neteweyî diafirîne, jinên Kurd ku Newrozê pîroz dikin bi derbaskirina sînorên neteweyî veguheztina civakî diafirîne. Ev veguheztin bi xwe re têkoşîna me sînorên Kurdistanê derbas kiriye. Di vê wateyê de îro jî li cihê ku şoreşa gelan pêkhatiye Newroz bi rihê şehîdên rojavayê Kurdistanê tê pîrozkirin û êdiaya civaka me girêdan bi mirovan re dide afrandin. Li ser vî bingehî newroza vê salê di gelek aliyên xwe de cihrengî dide diyarkirin. Gel bi xwe xwedî li vê rojê derket û careke din bi rengên xwe yên gelerî diyarkirin ku Kurdistana azad misoger e.