Birûc Resûl/Qamişlo
Endamê koordînasiyona (TEV_DEM) Ayid Ibrahîm diyar kir ku di rastiya Rêber Abdullah Ocalan de perwerde weke şerekî ye û wiha got: ” Bi rêya perwerdê mirov dikare çareseriyê ji hemû zehmetiyên jiyanê re bibîne û xwe di aliyê hişmendiyê de pêşbixine da ku karibe xwe ji zîhniyeta kapîtalîzmê rizgar bike.”
Ev nêzî salekêye ku li bajarê Qamişlo, ji aliyê Tevgera Civaka Demokiratîk TEV_DEM`ê ve komîteyên perwerdê hatine avakirin. Her wiha perwerde jî, xwendina pirtûk û paraznameyên Rêber Abdullah Ocalan in. Her komek perwerdê ji 12`e kesan pêk tê. Armanca endamên wê komê jî ew e ku bi rêya perwerdê hîn zêdetir cewherê xwe nasbikin û bikaribin xwe ji hişmendiya kaptelîzimê rizgar bikin. Ji ber ku dewleta Tirk a dagirker bi hemû rêbazan şerê taybet li ser civakê dide meşandin, pêwîste her mirovek bi rêya perwerdê û bi taybet bi rêya fikir û felsefeya Rêber Abdullah Ocalan xwe ji dehfikên şerê taybet rizgar bike.
Derbarê avakirina komên perwerdeya li ser pirtûkên Rêber Apo û girîngiya vê gavê, endamê Koordînasiyona Tevgera Civaka Demokratîk (TEV_DEM) Ayid Ibrahîm ji Rojnemeya me re axivî.
Ayid Ibrahîm diyar kir ku ev nêzî salekê ye wekî komên xwendina pirtûkên Rêber Abdullah Ocalan hene û wiha got: “Ez wekî endamekî di komîteya perwerdê de û di heman demê de wekê mamoste di akademiyê de cih digirim. Her wiha ev nêzî salekê ye ku me xwest wekî sîstema perwerdê di nava gelên Bakur û Rojhilatê Suriyê
de pêşbixin, bi taybet jî li Qamişlo, niha jî wekî kom ji bo xwendina pirtûk û pareznameyên Rêber Abdullah Ocalan hatina avakirin, armanc ji van koman jî ew e ku çanda xwendin û perwerdê di nava civakê de were pêşxistin, ji ber ku perwerde tişta herî girîng e di jiyane mirov de. Rêber Abdullah Ocalan dibêje ji bo jiyana her kesekî ‘perwerde perwerde perwerde’ pêwîste û esas were girtin. Her wiha mirov dikare bi riya perwerdê re hişmendiya xwe biguhere û bibe xwedî hêz, û wiha jî dikare xwe azad bike. Mirov dema ji aliyê perwerdê de lawaz be, wê di tevgera jiyan û karê xwe de jî nezan û lawaz be, bi perwerdê mirov xwe nasdike, birêxistin dike û kar û xebatên xwe jî bi awayekî baş û serkeftî derbas dike.”
‘Bi fikir û felsefeya Rêber Apo xwe kûr bikin’
Ayid di berdewamiya axaftina xwe wiha got: “Di destpêkê de, perwerdeyên me di akadimiya Rêber Apo de dihat dayîn, lê beriya salekê di nav komîteyên perwerdê nîqaş hatin kirin û şêwaz hat guhertin. Her wiha li ser asta bajêr me 2 komîteyên perwerdê avakirin, di nava her 2 komîtan de jî, tax bi tax komîteyên perwerdê derbixin ku bi zimanê kurdî, erebî û xiristiyanî bê dayin. Di encama van perwerdan de jî, endamên ku cihê xwe di van komîteyan de digirin, endamên saziyên Rêveberiya xweser in ku ji perwerdê de sûdekî pir mezin digirin. Bê guman ev perwerde care yekeme ku bi kurahiyekî wisa tê dayin û encam jê tê girtin. Berî ku em dest bi perwerdê bikin, her car endamek ji perwerdê xalek ji pirtûkên Rêber Abdullah Ocalan, dinirxîne û li ser nîqaşên kur tên meşandin. Ji ber ku rastî em wekî gelê Rojava naskirina me bi fikir û felsefeya Rêber Abdullah Ocalan re hatiye çêkirin, lê ew naskirina kur tune ye. li ser vê bingihê hewledanên me heye ku hîn zêdetir xwe di fikir û felsefeya Rêber Abdullah Ocalan de kûr bikin.”
Ayid Ibrahîm da zanîn ku her komîteyek perwerdê ji 12 kesan pêk tê û wiha got: “Komîteytên perwerdê û bi taybet girûbên xwendevanên pirtûk û paraznameyên Rêber Abdullah Ocalan, bi fikir û felsefeya Rêber Abdullah Ocalan, wê azadiya Rêber Apo a fîzîkî mesoger bikin û ji civaka xwe re bibin hêz û îradeyek xurt. Em ê van komîteyên perwerdê berfereh bikin ku li Bakur û Rojhilatê Suriyê xebat bimeşînin.”
‘Perwerde hêza çareseriya mirov e’
Endamê Kordînasiyona Tevgera Civaka Demokratîk (TEV_DEM) Ayid Ibrahîm di dawiya axaftina xwe de wiha got: “Em wekî endamên perwerdê, pêwîste ji wiha zêdetir di nava gel de xwe belav bikin û fikir-felsefeya Rêber Abdullah Ocalan bi awayekî kur bidin naskirin. Her wiha di rojên pêşiya me de giran bûnê bidin van komîteyên perwerdê, da ku wekî şerê taybet ku ji aliyê dewleta Tirk a dagirker ve li ser civaka me tê meşandin, bi rêya perwerdê wan vala derbixin, ji ber ku çareserî perwerdeye. Di heman demê de ku em xwe ji aliyê hişmendiyê de pêşbixin û ji bandora zehiniyeta kapîtalîzmê rizgar bikin, pêwîsta em xwe perwerde bikin, ji ber ku di rastiya Rêber Apo de perwerde weke şerekî ye, pêwîsta em vê ji xwe re mînak bigirin.”