Ronaz Silêman/Qamişlo
Bi boneya 4’ê Nîsanê Rojbûna Rêber Apo, bi pêşengtiya Kongra Star pirtûkên Rêber Apo li bajarê Qamişlo tên belavkirin.
Îro bi pêşengteya Kongra Star û bi boneya 4`ê Nîsan roja rojbûna Rêberê Gelan Rêber Apo di bin dirûşmeya ‘Dem dema azadiya Fîzîkî ya Rêber Apo, çareseriya siyasî ji pirsgirêka Kurd re’ çalakiya belavkirina pirtûkên Rêber Apo li bajarê Qamişlo hat lidarxistin.
Çalakiya belavkirina pirtûkan wê rojekê dewam bike, herwiha wê nêz 200 pareznameyî yên Rêber
Apo diyarî gel bên kirin. Armanca sereke ji belavkirina pareznameyên Rêber Apo ew e ku çanda fikir û felsefeya Rêber Apo di nava gel û cîhanê de pêk bê. Beriya vê çalakiyê jî li hemû taxên bajarê Qamişlo pareznameyên Rêber Apo hatin xwendin.
Hêjayî gotinê ku di 4’ê Nîsana sala 1949’an de, zayîna jiyaneke nû li ser xaka Kurdistanê vejîn bû. Navê vejîna nû rojbûna Rêber Apo bû. Rojbûna Rêber Apo, di rastiya gelekî li ber pença qirkirinê bû, hêza wateyê û jiyana bi rûmet afirand. Rêber Apo, di temenê zarokatî de jiyan xiste ber lêpirsînê. Ji bo bigihêje bersiva vê lêpirsînê, nakokiyên mezin jiya û dev ji xwe gîhandina xeyala jiyana azad berneda. Rêber Apo, ji bo jina Kurd, gelê Kurdistanê û tevahî gelên azadîxwaz bû dîrok, hêvî û baweriya bi jiyana wekhev û azad. Bi rojbûna Rêber Apo re, li Kurdistanê, bedena ruh ji dest dayî ruh pê hat, hîşa ku ji hebûn, cewher û evîna xwe ya jiyanê biyanî bûbû jinûve jîndar bû.
